Өөрийн төрсөн Арын хангай нутагтаа дэмий олон зүг хөдлөн савчилгүй өн удаан тогтвор суурьшилтайяа аж төрж, уугуул нутгийнхаа улс зоны амьдрал үйлс, аж төрөл, арвин их түүх, ахуй зуурын адал явдлаас авахуулаад арчаагүй үйлдэл, apra саам, аль л бичиж болох, ер хүмүүн нийтэд хүртээн сонсгож, хүргэж толилуулах бүхнийг үзэг цаас нийлүүлэн, өдөр шөнийг умартан нийтэлж ирсэн нэрт сэтгүүлч, зохиолч, МУСГЗ Гочоогийн Жамц абугай сүүлийн үед гараас гаргасан нэгэн бүтээлээ 'үзээд өгнө үү гэхэд нь хэдийгээр ажил үйлийн зай зав өчүүхэн бага асан ч нутгийн гэмгүй сайн анд нөхөр анх удаа өөриймсөн гуйхад нь суух ямар эвгүй вэ?' хэмээн махан бодийн зовлон хийгээд мангар ухаарлын хэцүүрхэлээ зөөллөн нимгэлж, зөвшөөсний 'Нэн тод гэрэлт Зая Бандида' нэртэй, тийм ч ав завд шилгээн ширвэчихэмгүй' нэгэн бүтээл гар дээр буух нь тэр ээ.