Монгол

«Хууль зүйн хариуцлага» номыг уншаад Танд хэн нэгний төлөөлөлгүйгээр аливаа нийгмийн харилцаанд холбогдох хуультай өөрийн оюун санаагаар уулзах боломжийг олгох бөгөөд ингэснээр таны бидний эрх зүйн ухамсар төлөвших юм. Монгол Улсад сая саяар тоологдох зөрчил, гэмт хэрэг сүүлийн жилүүдэд гарах боллоо. Энэ асуудалд хууль зүйн сургууль төгссөн мянга мянган хуульчид байгаад ч гэмт хэрэг зөрчлийн тоо буурахгүй, ямар нэг эерэг нөлөөлөл авчрахад ихээхэн цаг хугацаа, мөнгө зарах бөгөөд үр дүнг эергээр төсөөлөх боломжгүй байгаа нь гэмт хэрэг зөрчлийн статистик мэдээнээс бэлхнээ харагддаг. Тиймээс иргэдийн өөрийн оюун санаагаар олж авсан, бүрдүүлсэн эрх зүйн ухамсар соёл, нийгэмд, бидний цаашдын хөгжилд, эрх зүйн орчинд асар их эерэг нөлөөтэй байна хэмээн итгэж энэхүү номыг бүтээв. «Хууль зүйн хариуцлага» нэг сэдэвт бүтээл нь иргэд эрх зүйн хариуцлагыг гүнээ хүндэтгэж, өдөр тутмын үйл ажиллагаандаа хууль тогтоомжийг сахин биелүүлэх, дагаж мөрдөх дадал хэвшилтэй болох зан үйлийг өөртөө төлөвшүүлэхэд, өөрөөр хэлбэл, эрх зүйн ухамсраа дээшлүүлэхэд дэмжлэг болно хэмээн найдаж байна. Мөн энэхүү бүтээл Үндсэн хуулийн эрх зүйн хариуцлагын тухай ойлголт, ухагдахууныг хууль зүйн хариуцлагын нэг төрөл болох талаас нь анхлан авч үзсэн нь онцлогтой бүтээл юм.