Прагийн амьтны хүрээлэнгийн билэгдэлд газар уснаа явагч, хэвлээр мөлхөгч, жигүүртэн ба хөхтөн арааган ба туурайтныг төлөөлсөн таван амьтны мөр бий. Туруутан амьтны мөр нь энэ төрлийн олон амьтныг төлөөлөх ч ер нь бол тахийнх юм. Прагчууд ер нь бол чехүүд дэлхийд үлдсэн сүүлчийн зэрлэг адуу тахийг хамгаалгах, үржүүлэх, эх оронд нь эргүүлэн нутагшуулах үйлсэд хамгийн тод мөртэй оролцсон юм. 1920-иод оны үед Прагад анхны тахь болох Али азарга Минка руу очсоноор Прагийн тахь үржүүлгийн түүх эхэлдэг, Тэгвэл Прагийн амьтны хүрээлэнгийн захирал доктор Здэнек Вэсэловски болон профессор Франтишек Билек нар 1959 онд Тахь хамгаалах бага хурлыг санаачлан дэлхийн олон орны амьтан судлаач, эрдэмтэн мэргэдийг цуглуулан уулзалт хийсэн нь өдөө Говьд болон Хустайн нуруунд тахь бэлчих энэ цагийн суурь үндэс болсон аж.