Ном унших дадал нь хүүхдийн оюун ухааны болон хэл ярианы хөгжилд маш чухал байр суурийг эзэлдэг. Энэ дадлыг хүүхдэд сургуульд орж сурах анхны үеэс эхлэн эзэмшүүлэх нь хүүхдэд хэмжиж баршгүй ашиг тусаа өгнө. Хүүхдийн амжилттай суралцахад тэдний ном унших хүсэл, номыг хэр зэрэг анхааралтай уншиж байгаа идэвхи чармайлт чухал нөлөөтэй. Номгүйгээр мэдлэг байх учиргүй. Ном хэчнээн их унших тусам хүний мэдлэг боловсрол төдийн чинээ өргөжин тэлж байдаг. Номыг хам хум уншаад өнгөрөх биш оюун санаандаа бясалган бодож ойлгон унших хэрэгтэй. Энэ нь номон дотрох утга санаа, зөвөлгөө, санамж, анхааруулгыг тунгаан бодож сайн ойлгож авах учиртайг хэлж байгаа юм. Ном барьж авбал заавал уншиж дуусгадаг, юу ойлгосоноо бодож өөрийгөө шалгадаг байх нь зүйтэй