Аливаа номын оршил үг, удиртгал нь үг номынхоо агуулгыг товч илэрхийлэх тул өөрийн бодлыг хоромхонд тооцож өгүүлэх нь: Хүн төрөлхтөн эрт дээр үеэс эхлэн байгалийн үзэгдэл юмсын харилцан зүй тогтлын дагуу бодит бус мэт юмс үзэгдлийн оршихуйг төсөөлж, өөрийн амьдрал ахуйг зохицуулж ирсэн нийгмийн хөгжлийн олон зуун жилийн түүх улиран одож байна. Байгалийн хийгээд түүхийн хөгжлийн хуулиуд үүсэн бий болсон цаг хугацаа хэрэгжих apra, үйлчлэх хүрээ гэх утгaap нь авч үзвэл ялгаатай. Байгалийн хуулиуд цаг агаар, ургамал, газар нутгийн байршлаар урсгал шинжтэй үйлчилдэг бол нийгмийн хөгжлийн хууль нь ард түмний амьдралын түүхэн хэв маяг, төрийн байгууламж, хүн амын шашин шүтлэг, ертөнцийг үзэх үзэл, ашиг сонирхол, худалдаа үйлдвэрлэл үйлчилгээ, наймаа, түүх соёл, ард түмний ёс зүй, зан заншил зэрэг нийгмийн олон шинж, түүний төлөөлөл болох соёл, урлаг, шашин, боловсрол, философи зэрэг нийгмийн салбаруудаар дамжин өөрийн хөгжлийг хангадаг байна.