Нягтлан Бодох Бүртгэлийн Олон Улсын Стандартын Зөвлөл (НББОУСЗ)-өөс жижиг дунд аж ахуйн нэгжийн ерөнхий зорилготой санхүүгийн тайланг бэлтгэхэд зориулсан _Жижиг Дунд Аж Ахуйн Нэгжийн Санхүүгийн Тайлагналын Олон Улсын Стандарт_ (ЖДААН-ийн СТОУС)-ыг 2009 оны 7 дугаар сард батлан гаргасан байна. Түүнээс хойш одоогоор дэлхийн 70 гаруй улс орон энэ стандартыг нэгэнт дагаж мөрдөж эхэлжээ. НББОУСЗ-ийн мэдээлснээр дэлхийн нийт аж ахуйн нэгж байгууллагуудын 90 гаруй хувь нь жижиг дунд аж ахуйн нэгжийн ангилалд хамаардаг. Жижиг дунд аж ахуйн нэгжүүд иж бүрэн СТОУС-ыг хэрэглэх нь үр ашиг багатай бөгөөд ихэнх зүйл заалтууд нь ашиглагддаггүй тул түүнийг ЖДААН-ийн онцлогт нийцүүлэн хялбаршуулсан гаргасан нь энэ юм. Эл бүтээл нь нийт мэргэшсэн нягтлан бодогчид, аудиторууд, аж ахуйн нэгж байгууллагын нягтлан бодогчдод төдийгүй их, дээд сургууль, коллежийн оюутнууд, суралцагчдад өөрийн мэдлэг, ур чадвараа нэмэгдүүлэхэд зохих үр дүнгээ өгнө гэдэгт итгэж байна.