ОЙН НЭВТЭРХИЙ ТОЛЬ хэвлэгдэн гарлаа. Энэхүү нэвтэрхий толь бичигт ой судлал, мод судлал, модлог судлал, хөрс судлал, ургамал судлал, амьтан судлал, шавьж судлал, экологи, биологийн шинжлэх ухааны үндсэн ойлголтууд, ой модыг хамгаалах, нөхөн сэргээх, ойг тарьж ургуулах, зүй зохистой ашиглах арга технологи, ойг хамгаалах чиг үүрэг бүхий төрийн болон, иргэний нийгмийн байгууллагын тухай 1435 нэр томъёо орсон байна. Толь бичиг бүтээх санаачлагыг Байгаль орчин, аялал жуулчлалын яамнаас гаргаж, ерөнхий редактороор ШУА-ийн ерөнхий болон сорилын биологийн хүрээлэнгийн эрдэм шинжилгээний тэргүүлэх ажилтан Академич, Ч.Доржсүрэн, Академич, Ч.Дугаржав, мэргэжлийн редактроор, Байгаль орчны гавьяат ажилтан, доктор Ц.Банзрагч, Эко-Ази байгаль орчин, менежментийн дээд сургуулийн багш доктор, профессор Д.Энэбиш, хэлзүйн редактороор ШУА-ийн Хэл зохиолын хүрээлэнгийн “Хэрэглээний хэл шинжлэлийн салбар”-ын Эрдэм шинжилгээний ахлах ажилтан, Хэл бичгийн ухааны доктор Н. Мөнхцэцэг, техник редактороор ШУА-ийн ерөнхий болон сорилын биологийн хүрээлэнгийн эрдэм шинжилгээний ажилтан М.Ундраа нар ажиллалаа.

Ойн нэвтэрхий толинд орсон өгүүллийг БОАЖЯ, ШУА-ийн Ерөнхий болон сорилын биологийн хүрээлэн, Газарзүй-геоэкологийн хүрээлэн, МУИС, ШУТИС, ХААИС-ийн ажилтан, эрдэмтэн, багш нар, ойн салбарын ахмад эрдэмтэд болон залуу ажилтнууд бичив.