Баяр наадмын түрүү манлай Арын сайхан хангайн хүчтэнгүүд хэмээх энэхүү ном нь аваргатай, арслантай эрт эдүгээгийн үе үеийн алдарт хүчтэнгүүдийн өсөн бойжсон Өргөн сэлэнгэ хэмээх алдарт мөрнөөрөө овоглосон Сэлэнгэ нутгийн хүү миний бие бөхөө хайрлан хүндэлдэг ард түмэндээ өргөн барьж байна. Эдгээр аварга арслангууд Буянт-Ухаа Яармагийн дэнжээс төв цэнгэлдэх хүрээлэнгийн зүлэг ногоон дэвжээг хүртэл зуу шахам жил эзэгнэн зодоглож бяр хүч уран мэхийг уралдуулан барилдаж монгол түмэн наадамчин олноо баясан цэнгүүлж олон сайхан цол гуншинг ээлж дараалан хүртэж алдраа дуурсгаж явсан Арын сайхан хангайн хүчтэнгүүд хэмээн бөхийн цадиг түүхэнд мөнхөрсөн хүчтэнгүүд билээ.