Монголчууд бид хүүхдийн хүмүүжлийг төрсөн цагаас бус эхийн хэвлийд байх үеэс нь анхаарч ирдэг сайхан уламжлалтай. Ардын ёс зүйн бичигдээгүй хууль, ахуйн дүрэм журам болон эцэг , эх үр хүүхэддээ зөв үлгэр дуурайлалтай байх үзлээр хүүхдээ хүн болгодог байлаа. Энэхүү хүнээр хүн хийх ухаан нүүдлийн ахуй, соёлд маань бүрэн шингээстэй байв. Харин хүн хийх ухаан нүүдлийн ахуй, соёлд маань бүрэн шингээстэй байв. Харин суурин амьдралд шилжсэнээр уламжлал биднээс холдож байна. Өнөө цагт эцэг эх хүүхдийн харилцаа нь хайр хүндлэл, харилцан ойлголцол дээр суурилсан хамтарсан бүтээлч шинжтэй байх үед илүү хариуцлагатай, хүнлэг, өөрийн амьдрал, үзэл бодолдоо эзэн болсон бие хүнийг төлөвшүүлнэ гэж үзэж байна. Иймээс гэр бүлийг хүний амар тайван, хөгжиж төлөвших суурь орчин болгох замаар монгол хүүхдийн хөгжлийг дэмжих нь нэн чухал юм.