Монгол

Эсперанто хэлээр анх бичигдэж, Англи, Итали, Чех, Франц, Орос, Хятад, Герман, Турк, Мажар хэлээр орчуулагдан хэвлэгдсэн БАГТ НААДАМ ийнхүү Монгол хэлнээ бууж уншигчдын хүртээл болж байна.  БАГТ НААДАМ болвоос - Дэлхийн II дайны үеийн Унгар улс, Унгарын улс төр, цэрэг дайны нөхцөл байдал, Унгарын еврейчүүдийг хоморголон устгаж асан цаг үеийн тухай – Тивадар Сорос хэмээх эрхмийн үзэж туулсан үйл явдлууд дээрээ тулгуурлан бичсэн туйлын илэн далангүй (заримдаа бүр цочирдмоор ил цагаан, шулуун шударга), туйлын голч дүн шинжилгээ, үнэлэлт дүгнэлт бүхий дурдатгал бүтээл юм.  Тивадарт тохиолдох олон арван адал явдал уншигчдад уйдах зав өгөхгүйн дээр түүний хүнлэг чанар, эр зориг, цог золбоо, сэтгэлийн мятрашгүй хат тэнхээ, шавхагдашгүй ов самбаа нь ч амьдралд чухал олон зүйлсийг ухааруулан сануулах буй заа.  