Монголын хүн амын өсөлт, амьдралын хэвшил, дадал хандлага, хэрэглээ хотжилт, үйлдвэржилтийн нөлөөгөөр хог хаягдлын хэмжээ, түүний төрөл, бүтэц хурдацтай өөрчлөгдөн сүүлийн үед жил бүр 500 мянган тонноор нэмэгдэж байна. Ийм учраас хог хаягдлын талаарх нэгдсэн зөв ойлголтыг бий болгож, хог хаягдлын эх үүсвэр дээр нь бууруулах, ангилах, тээвэрлэх, боловсруулах үйлдвэр, парк тээвэрлэлт ложистикийг бий болгох нь үндэсний хэмжээнд тулгамдсан хэрэгцээ шаардлага болоод байна. Та бүхэнд толилуулж буй энэхүү гарын авлагыг хог хягдлын чиглэлээр ажилладаг аж ахуйн нэгж байгууллага, төрийн бус байгууллага, их дээд сургуулийн багш нар, оюутан судлаачид, эрдэм шинжилгээний ажилтнууд, төв орон нутгийн шийдвэр гаргагчид болон иргэн хэн бүхэнд зориулсан бөгөөд номд орсон зураг, схем хүснэгт нь бүлэг тус бүр дотроо эх сурвалжийн хамт, дэс дарааллын дагуу дугаарлагдсан болно.