Шатар бол хэн илүү ухаантай, мэдлэгтэй, чадвартай нь ялан дийлдэг оюун ухааны тэмцэл юм. Шатар нь сэтгэлгээний уялдаа холбоо, эрэмбэ дараалалыг зөв тогтоох, шатрын болон амьдралын нөхцөл байдлуудыг задлан шинжилж, үнэлэлт, дүгнэлт өгч сурах, дороо суурьтай, дотроо бодолтой болон төлөвшихөд тусалдаг. Юуны өмнө хамгийн энгийн цогц уран нүүдлүүд (комбинаци)- ийг хялбархан харж сурах шаардлагатай. Ингэж сурахад тань энэ ном туслах болно. Уг номонд шатрын багш, дасгалжуулагчдын олон жилийн турш эхлэн суралцагсадтай ажиллахдаа сонгож авсан байрлал, дасгалуудыг багтаасан байна.