Эзэн хаадын буурал түүхийн тоосонд жаргал зовлон, баяр гуниг тээсэн эмс хатдын тухай түүх дарагдсаар иржээ. Төлөв даруу зан, үнэнч шударга байдал, цэвэр ариун ёс суртахуун, атаа хорсол, хорон санаа агуулах тэдгээр хатдын тухай ном сударт цухасхан дурдсан төдий. Хатдын ордны хана хэрмийн цаатах аж байдлыг сонирхол татам өгүүлсэн 7 ботиос бүрдэх Арын ордны нууц хэмээх энэ зохиолд хаан эзний хайр энэрлийн төлөө хамаг бүхнээ золиослон тэмцэлдэх охид бүсгүйчүүдийн ээдрээт хувь тавиланг дүрслэн харуулжээ. Зохиолын баатрууд болох Жэнь Хуань, Мэйжуан, Линруны тухайд аль ч үеийн бүсгүй хүнийг төлөөлөхүйц тийм л зан чанартай аж. Зохиолч Лю Лиэнзыгийн бичсэн энэ роман анх интернет орчноор тарж, олны таашаалыг ихэд хүртсэн бөгөөд 2011 онд уг зохиолоор 76 ангит цуврал кино бүтээжээ. Төлөв даруу зан, үнэнч шударга байдал, цэвэр ариун ёс суртахуун атаа хорсол хорон санаа агуулах тэдгээр хатдын тухай ном сударт цухасхан дурдсан төдий...Би энэхүү зохиолдоо Арын ордны байдлыг төсөөлөн бичлээ. Татвар хатдын зарим нь угсаа гарал сайтай бол зарим нь цэцэн цэлмэг үзэсгэлэн гоо аж. Хятадын орчин үеийн уран зохиолын нэгээхэн төлөөлөл болсон энэхүү бүтээл уншигч авгайн сэтгэлийг татна гэдэгт итгэж байна.