Монголын Галдан Бошгот хаан нь Манжийн дарлалыг сөрж мэдээ орсон цагаасаа л эсэргүүцэн насан туршдаа тэмцэн алтан амиа алдсан Монголын түүхэн дэхь нэгэн тод хүмүүн билээ. Галдан Бошгот хаан үнэн хэрэгтээ 1688-1697 оны хооронд Монгол Улсын хаан байжээ. Учир нь халхын ноёд нэгэнт Манжид дагаар ороод Манжийн нутагт өөрсдийнхөө харъяатуудыг авч очоод суучихсан байв. Эдүгээгийн Монгол улсын болон БНХАУ-ын Шинжан Уйгарын өөртөө засах орон бүхэлдээ Галдан хааны мэдэлд байсан ажээ.Галдан хаан түрэмгийлэгч ч бус нэгдсэн Монгол улсаа байгуулахын төлөө тэмцэгч юм. Цэргийн нэрт жанжин эх орныхоо эрх ашгийн төлөө мятаршгүй тэмцэгч баатар болон мөнхөрчээ.