Статистик нь санамсаргүй шинж чанартай зүйлсийг шинжлэх ухааны үндэслэлтэйгээр судлах аргуудыг багтаасан математикийн салбар шинжлэх ухаан юм. Энэхүү номонд статистикийн шинжлэх ухааны үндсэн ойлголтууд болох эх олонлог, түүвэр, параметр, тархалт, тархалтын төвийн болон хазайлтын хэмжээсүүд, параметрийг үнэлэх, таамаглал шалгах гэх мэт олон нэр томьёонуудын талаар бичсэн бөгөөд тохирох жишээ бодлогуудаар баяжуулсан болно. Ном нь агуулгаараа гурван үндсэн багц бүлгүүдээс тогтоно. Эхний багцаас статистик судалгаа гэж юу болох, судалгааны өгөгдлүүдийг хэрхэн цуглуулах болон тэдгээр цуглуулсан өгөгдлүүдээ хэрхэн тайлбарлахыг мэдэж авна. Санамсаргүй үзэгдэл, санамсаргүй хувьсагч, тархалтын болон нягтын функц зэрэг магадлалын онолын суурь ойлголтуудын талаар хоёр дахь багцад үзнэ. Сүүлийн багц бүлгүүдээс статистик дүгнэлтийг хэрхэн гаргадаг болохыг мэдэж авна.