Цэрэг ба биеийн тамирын бэлтгэл, хувь хүний хөгжил төлөвшлийн гүн бат холбоо нь дайнд ялахын зайлшгүй нэгэн үндэс, дайны гүн ухааны мөнхийн сэдэв юм. Энэ бүхнээс үзвэл эртний Монгочууд хувь хүн ба цэргийн биеийн тамирын сургалт бэлтгэл хөгжил төлөвшлийг цогцоор нь анхаарч хэн боловч уурга бариад мордвол адуучин, жад бариад мордвол цэрэг дайчин болдог байжээ. Бүх нийтээр цэргийн үүрэгтэн учраас эртний Монголчуудын цэргийн боловсрол нь бүх хүн амыг хамарсан сургалтын тогтолцоотой байв.