Аливаа ухаан онол бүтээснээрээ өөрийнхөө түүхэн замналыг бий болгож байдаг учиртай. Уг зарчмын дагуу антропологи ч гэсэн өөрийн онолыг бүтээж тэр нь бидний үед улиран хувьссаар түүх болон уламжлан ирсээр билээ. Энэ түүхийг бүтээж эхлэн нийгэм, соёлын антропологийн онол бий болсон он цагийг XIX зууны сүүл, XXI эхэн үе гэж нэрлэж болно. Дурдан буй энэ үед зөвхөн антропологийн онол хөгжиж эхэлсэн биш, харин антропологи бие даасан ухаан болон нэгдэн хөгжих үндэс суурь тавигдаж эхэлсэн үе гэж давхар үзэх ёстой. Өөрөөр хэлбэл онол гэдэг бол тухайн салбар ухаанаа зангидан нэгтгэж, шинжлэх ухааны нэгэн салбар болгон бүтэх үүрэгтэй. Энэ үүргээс улбаалан антропологийн онол болон угсаатны зүй гэсэн антропологийн ухааны хоёр тал ялгаран харагддаг.