Сурах чадварын пирамидыг дээрх зурагт үзүүлсэн байна. Ямар ч ангид хичээлдээ тун сайн нэгээс хоёр "Супер хүүхэд" байдаг бол огт сурах сонирхолгүй "Сурцгүй хүүхэд" ч мөн байдаг. Харин үлдсэн 95% буюу ихэнх хүүхдүүд нь хичээл хийдэг, хийдэггүй эсэхээр л амжилттай сурах үгүй нь шийдэгддэг. Иймээс "Хийвэл би чадаж байна, үнэн сэтгэлээсээ хичээвэл амжилт гаргах юм байна" гэх урам, сэтгэхүйг л суулгах нь тухайн хүүхдийн амжилттай суралцах үндэс болдог.

Тиймээс толгой сайтай, муутай гэх нь үнэндээ хүүхдийн амжилттай сурахад хамаарал бага бөгөөд учир нь нийт хүмүүсийн 95% нь ойролцоо тархины чадамжтай байдаг.Өөрөөр хэлбэл сурах үйлд хичээл зүтгэл гаргадаг эсэхийн л ялгаа бий. Тиймээс амжилттай ажиллаж амьдрахад хичээл зүтгэл хамгийн гол давуу тал болдог. 1%-ийн авьяас, 99%-ийн хичээл зүтгэл гэх хэлц нь эрдэм ном сурахад ч санаж явах нь чухал юм.