Уншигч та бүхэндээ зохиолч Б.Баярхүүгийн 'Хайрцаг' триллер романыг танилцуулж байна. Уран зохиол, киноны нэгэн төрөл болох триллерийг манай оронд тэр болгон мэдэхгүй байх талтай. Аймшгийн зохиол, кинонд хүнийг шуудхан айлгах, цочоох, огцом үзэгдлүүд ихээр гардаг бол триллер зохиол нь уншаад дууссаны дараа ч бодож төсөөлөх, эргэцүүлэх, ухаж төнхөх зүйлүүд ихтэй үлддэгээрээ онцлогтой. Хүмүүжлийн тал дээр гадны орнуудад энэхүү төрөл ихэвчлэн өсвөр насныханд чиглэсэн байх нь бий. Хүнийг багаас нь хашир болгох, аливаа юманд ул суурьтай болгоомжтой болгоход их дөхөм болдог. Тиймээс эцэг эхчүүд хүүхдийнхээ насанд тохирсон үйл явдал, үг хэллэгтэй триллер болон аймшгийн зохиол уншуулж байх нь сурган хүмүүжүүлэхэд ч тустай болов уу.