МУ-ын ШУА-ийн түүх, археологийн хүрээлэн ба Оросын ШУА-ийн Дорно дахины гар бичмэлийн хүрээлэнгээс 2017 онд 'Монголчуудын соёлын өв: гар бичмэл ба архивын баримтын цуглуулга' 3 дахь удаагийн олон улсын эрдэм шинжилгээний хурлыг зохион байгуулжээ. ОХУ, Монгол улсын гар бичмэлийн сан хөмрөг, архивуудад хадгалагдаж байгаа монгол угсаатан ард түмнүүдийн түүх, хэл, соёлын арвин баялаг эх сурвалж нь тус хурлын эх суурь болсон. Эмхэтгэлд монгол судлалын түүх, монголчуудын эдийн соёл, бичгийн өв уран сайхны бүтээл туурвил, Монголын уламжлалт ба орчин үеийн нийгмийн олон талт амьдралыг тусгасан гар бичмэл, баримт, эх хэрэглэгдэхүүнийг судлан шинжилсэн илтгэлүүд багтсан болно.