Энэ ном нь хүмүүний амьдралыг хэрхэн өнгөлөг
гэгээтэй, эрч хүчтэй туулах тухай Бурханы сургаал болно.

Та итгэл үнэмшил, сүсэг бишрэлийн сэтгэл ямар чухал
болохыг мэдэх үү? Бурхан бодитоор оршин буйд итгэж, өөрийнхөө
“шалтгаан ба үйлийн үрийн хууль”–ийг хүлээн зөвшөөрөх
үү?

Галд дахин дахин улайсгаж, усанд олон удаа хөргөж,
алхаар давтан давтан урласан ган болд сэлэм мэт, жинхэнэ
итгэл үнэмшил нь тодорхой оршин тогтнохын тулд зовлон
бэрхшээл, сорилтыг даван туулж явсаар туршлагажин бат
бэх болдог учиртай.

Өндөр дээд төвшний хүндэтгэлтэй үүргийг биелүүлэхийн
тулд заримдаа нэр хүнд, албан тушаал, байр суурь, хөрөнгө
санхүү, хүмүүс хоорондын харьцаа, гэр бүлийн харилцаа
зэргийг хаяж, үл татагдах сэтгэлийн төлөв байдлыг хадгалан
үргэлжлүүлэх үе олонтоо тааралдана.

Хайр, шунал хоёрын завсарт хавчуулагдан, амгалан
тайван байдлаар нэг, нэг өдрөөр гүн утга учиртай амьдрах
амьдралын хэцүү ширүүн байдлыг ухаарч ойлгоорой.
Ган төмөр шиг сэтгэлийн хаттай байгаарай.