Нийгмийн харилцаа өргөжин хөгжиж буй өнөө үед олон төрлийн харилцааг нарийвчлан зохицуулах эрх зүйн зохицуулалт зайлшгүй чухал бөгөөд түүнийг боловсронгуй болгох санал дэвшүүлэхийн тулд нэлээдгүй судалгаа шинжилгээ шаардлагатай байдаг. Зохиогч хувийн эрх зүйн салбарт “Гэрээслэлээр өвлөх эрх, Гэрээний эрх зүй”-н чиглэлээр сургалт, судалгаа эрхлэн ажиллахын гадна сүүлийн жилүүдэд “Эрүүгийн хэрэг хянан шийдвэрлэх ажиллагаан дахь иргэний нэхэмжлэл” сэдвээр дагнан судалгаа шинжилгээ эрхлэн явуулж байгаа нь эрүүгийн хэрэг хянан шийдвэрлэх эрх зүй, захиргааны хэрэг шүүхэд хянан шийдвэрлэх эрх зүй, иргэний хэрэг шүүхэд хянан шийдвэрлэх эрх зүй гэх мэт олон салбар эрх зүйн огтолцоонд тавигдах, маргаантай олон талаас судлах шаардлагатай тулгамдсан асуудал болж байна. Энэхүү эмхэтгэлээр зохиогчийн судалгаа шинжилгээ эрхлэн явуулсан чиглэлээр мэргэжлийн сэтгүүлд хэвлүүлсэн өгүүлэл, онол-практик, эрдэм шинжилгээний хуралд хэлэлцүүлсэн илтгэл зэрэг бүтээлүүдээ эмхэтгэсэн бөгөөд бүтээл бүрдээ Монгол улс дахь эрх зүйн тогтолцоонд тулгамдсан асуудлыг бичиж түүнийг шийдвэрлэх онол арга зүйн үндэслэлийг дэвшүүлэхийг зорьсон болно. Иймд уг бүтээлээ эрх зүйн чиглэлээр суралцаж буй оюутан судлаач, практикт ажиллаж буй хэн бүхэнд судалгааны эх сурвалж болгон ашиглахад зориуллаа.