Инээдмийн жүжгийн нийгэмд гүйцэтгэх үүрэг бол олон түмний шаардлага сонирхолд нийцээгүй амьдралын хуучирсан хэлбэрийг элэглэх явдал юм. Инээдмийн жүжгийн зохиолын үүрэг бол нийгэмд оршиж буй сөрөг үзэгдлүүдийг илчлэхэд зориулагддаг боловч агуулга нь өөр хүрээг хамарч энэрэнгүй үзэл, шударга ёс, энэрхүй сэтгэл, эрүүл саруул ухаанаас ухарсан байдлаар илэрхийлэгддэг. Инээдмийн жүжгүүдийн хэтрүүлэг, хошигнол, шоглосон хэлбэрүүд олон төрөл зүйлээр баялаг ба юмор буюу алиа хошигнол, ирония буюу егөөдөл, сатира буюу уран элэглэл хэлбэрээр бичигдэж ирсэн бөгөөд аж байдлын болон дүрийн инээдэмт сэдвийг агуулсан байдаг нь нийтлэг зүйл юм. Инээдмийн жүжгийн гол ач холбогдол нь амьдралын амин чухал асуудалд хандсан хүний оюун санаанд нөлөөлхүйц утга учрыг агуулсан байдагт оршино.