Нэг мянга есөн зуун дөчин дөрвөн оны намрын эхэн сарын аравдаар Дундговь аймгийн Дэлгэрхангай сумын нутаг Хул хайрханы энгэр 'Баруун долооны' баруун хойт зоон дээр намайг төрсөн гэж миний ээж өгүүлэх юм билээ. Намайг төрсний дараа тун удалгүй зэжийн маань нагац эгч болох Заяатад 'Ижгээ' үрчлүүлсэн гэдэг. Ингээд миний бие Сэдийн хар гэх '«Ингэний цагаан сүүгээр угжуулсан базны хүүхэд болсон түүхтэй. Би багадаа шөнөжин уйлж уйлж үүр гэгээрэх үед унтдаг хачин 'нөхөр' байсан тухай хожим Ижгээ минь хуучилдагсан. Надад таван сайхан ээжийн нүүр үзэж хайр шингэсэн сонин сайхан учрал тохиосон юм....