Монголчуудын өвөг дээдсээс олон зууны туршид уламжлагдан ирсэн хамгийн их хүндэтгэн дээдэлдэг ёс төрт их баяр бол Цагаан cap билээ. Монгол түмний ёс заншил цогцлон бүрдсэн энэхүү баярын түүх нь өнө эртний улбаатай. Дорнын ард түмний гүн ухааны үзэл, сургаал ёсоор нарыг 'Apra', сарыг 'Билиг' хэмээн үздэг учир цаг хугацааг нар сарны хөдөлгөөнөөр хэмжээлэн тооцохыг аргын болон билгийн улирал хэмээн нэрлэдэг. Монголчууд сарны хөдөлгөөнөөр тооцогдох 'Билгийн улирал'-ыг гол болгож, хаврын эхэн cap буюу бар сарыг жилийн эх болгон хатгаж, cap жилээ тоолдог уламжлалтай. Цагаан cap нь хахир өвлийг давж урин хавартай золгосны мөн нэг нас нэмсний баяр юм.