Хүн эргэж буцалтгүй нэг шийдвэр гаргасан л бол түүнийгээ л баримтлаад явсан нь дээр байдаг. Жишээ нь, би өсвөр насандаа тамхи татахгүй, архи уухгүй,янз бүрийн мансууруулах бодистой орооцолдохгүй' гэж өөртөө ам өгч, шийдвэр гаргасан. Өөрийгөө нэг их баатар болгох гээд ядаад байгаа юм биш шүү. Өсвөр насанд байхдаа зөндөө л алдаа гаргаж байсан. Номны дараагийн хэсэгт ч гарах байх. Гэхдээ би архи тамхины тал дээр зөв шийдвэр гаргасан байжээ гэж одоо боддог. Шоу, цэнгээнээс аль болох зайлсхийж, мансууруулах элдэв юм хэрэглэдэг нөхдүүдтэй ч огт нийлэхгүйг хичээдэг байв. Найз нар яаж авах бол гэж санаа зовж, дарамт шахалтад автсан зүйл огт байдаггүй байлаа. Яагаад гэвэл би тухайн шийдвэрийг эргэлт буцалтгүйгээр гаргасан байсан юм.