100 буудалт даамын зэрэгцээгээр 2015 оноос эхлэн Монголын холбооноос 64 буудалт орос болон бразили даамаар улсын тэмцээнийг зохион явуулсанаас гадна тивийн аварга шалгаруулах тэмцээнийг ч явуулж, тэдгээрт нь манай даамчид, ялангуяа өсвөр залуу даамчид өргөнөөр оролцох болсон нь сайшаалтай. Гэхдээ орос даамаар манайд сүүлийн 50 гаруй жил тэмцээн уралдаан зохиогдож байгаагүй учир онол-практикийн мэдлэг чадвар дутмаг, зөвхөн 100 буудалт даам тоглодог туршлага дээрээ тулгуурлан, 'хар практик'-аар тоглож байгаагаас энгийн алдаа их гаргаж байгаа нь харагддаг. Энэ бүхнийг ажигласны үндсэн дээр даамаар, гэхдээ суралцагсдад сонирхолтой байдгийг нь харгалзан, комбинацын чиглэлийн ном гаргах нь зүйтэй юм байна гэсэн сэдэл төрснөөр энэхүү номоо бичихэд хүрлээ.