Дүрслэх урлагийн музейгээс эрхлэн гаргасан Арван хангал бурхдын цувралын тавдугаарт Дамдинчойжоо ,Шалши , Цамба, Махгал бурхдын тухай өгүүлнэ. Энэ каталоги нь Догшин бурхдын дүр дүрслэл,өнгө зохирол, бэлгэдэл урлагийн олон төрлөөр бүтээх тухай өгүүлэх бөгөөд мөн тус музейн сан хөмрөгт буй эдгээр бурхдын зураг, хэмжээ, хувийн дугаарыг багтаасан болно. Мөн монгол англи хоёр хэл дээр байгаа тул монгол болоод гадаадын судлаачид сонирхогчдод тохиромжтой болно. Бурхан бүрийн тухай өгүүлээд, сан хөмрөгт буй бурхдын өнгөт зураг,он цаг, хэмжээ, бүтээсэн материал болон хувийн дугаарыг бичсэн болно. Энэ ном тус музейд байгаа хорь мянга орчим бүтээлийг бүрэн каталогижуулах зорилтын хүрээгд хийж буй судалгааны ажлын нэгээхэн хэсэг юм. Буддын урлахуйн ухаан бие хэл сэтгэлийн үйлийг төвшитгөхөд чиглэгдсэн байдаг нь тухайн хүнд төрж байгаа таашаал мэдрэмжтэй шууд уялдан холбогдох сэтгэлийн утас нь болдог. Уг номыг урлаг судлаач Д.Гоомарал, Н.Саруул нар бичиж, У.Сарантуяа редактораар ажилласан байна.