Монголчууд шашныг хамгаалагч гол сахиусуудыг “Арван догшин хангал ” хэмээн нэрийддэг бөгөөд түүний нэг нь “Очирт аюулган үйлдэгч” буюу бидний нэрлэж заншсанаар Жигжид юм. Жигжид буюу Ямандаг бурхан нь хилэнт лагшинтай. Бурхадын чуулганы үүднээс бол Очирын үндэсний ядам юм. Жигжид нь маш хилэнтэй,усны үхрийн хоншоортой байдаг нь шуналыг дарах хийгээд 3 орон 'тэнгэр,газар,завсар'-д эзэн болсны тэмдэг.Хэлээ хуйлруулсан нь хэрцгий догшин үйлтэнг цочооно. Дөрвөн соёо ярзайсан нь дөрвөн шулмыг дарна. Уурын үрчлээ хунирсан нь хортонг дарна. Хөмсөг мэлмийгээс гал бадарсан нь хортонг түлнэ. Гучин дөрвөн мутар нь бие,хэл,сэтгэлтэй нийлж гучин долоо болох ба бодь мөрийн гучин долоог илтгэх,арван зургаан хөл нь хоосон чанар зургаагийн бэлгэдэлтэй зэргээр түүний хүч чадлыг илтгэсэн онцлогтой бүтээсэн байдаг. Жигжид бурхны бүтээлүүд нь зээгт наамал,танка,цутгамал зэрэг төрлөөр манай музейн үзүүллэгийн танхим, сан хөмрөгт хадгалагдаж байна.