Бид энэхүү каталогт Дүрслэх урлагийн музейн хосгүй үнэт бүтээлд орсон Их хүрээний нэрт урчуудын бүтээсэн бүтээлийн талаар Д.Дамдинсүрэн '1995','2003', Монгол бэлгэдэл зүй С.Дулам '2007', Өндөр гэгээн Занабазарын намтар бүтээлийн талаар Ш.Бираа '1995', С.Ичинноров'2005', Монголын хүй нэгдлийн урлаг, монголын эртний урлагийн түүх талаар С.Бадрал'2009', Д.Цэвээндорж'1999', Монгол зураг, Торгон зураг, Монгол хээ чимэглэлийн талаар Б.Баяртөр '2008', Ч.Дашням, Д.Тангаа '2000', Д.Энхдаваа'2000', Бурхдын тайлбар болон нэрийн толь'2009', Ш.Баясгалан'2011' Монгол дархны урлаг Л.Сономцэрэн'1972' нарын бүтээлээс ишлэн оруулсан болно. Номын онцлог бол Дүрслэх урлагийн музейд хадгалагдаж буй 71 хосгүй үнэт бүтээлийн гэрэл зураг болон танилцуулгаас бүрдэж байна. Номд Монголын дүрслэх урлагийн музейн хосгүй үнэтүүдийн түүхийг өгүүлэх ба тэр дундаа эртний урлаг, Г.Занабазарын цутгуурын урлаг, шүтээн зураг, зээгт наамал, бар зэрэг урлагийн олон төрлийг багтаасан хоёр дахь хэвлэлийг олон түмэн, судлаачдын мэлмийд өргөн барьж байна.