Сэтгүүл зүйн тайлбар толь хэмээх энэхүү бүтээлийг их дээд сургуульд сэтгүүлч, утга зохиолын ажилтан мэргэжлээр суралцагсад магистрант докторантууд сэтгүүл зүйн судлаачид практик сэтгүүлчид идэвхтэн бичигчид сэтгүүл зүй сонирхогчдод зориулан бичсэн. Ийм тайлбар толь бичих санаа одоогоос арав гаруй жилийн өмнө төрж шаардлагатай баримт мэдээлэл цуглуулж бичиж эхэлсэн боловч янз бүрийн шалтгаан бэрхшээлийн улмаас хойшлогдон өдий хүрч одоо л таны гарт хэвлэгдэн очиж байна.