IV зуунд амьдарч байсан эртний Энэтхэгийн Буддын сэтгэгч хутагт Асанга бурханы бясалгалын хүчээр Майдар бурхантай учирч, тэрхүү 'Илт онолын чимэг' шастирыг нь сонссоноо хүмүүн төрөлхтөнд уламжилснаас хойш Буддын мэргэдүүд билиг барамидын гүн ухааныг энэхүү шастираар болон түүнийг тайлбарласан мэргэдийн тайлбар зохиолуудаар дамжуулан судалдаг болсон байна. Монголын нэрт гүн ухаантан 6Агваанбалдан цоржийн энэхүү тайлбар ч тэдгээр билиг барамидын шастируудын нэгэн болж алдаршсан юм. Энэхүү бүтээлд Доктор М.Гантуяа монгол хэлнээ анх орчуулсан судлаач багш Д.Цэдэв багшийнхаа хөрвүүлсэн Тунгалаг цоржийн 'Илт онолын чимэгийн' тайлбар энэхүү шстирын орчин цагийн монгол хэл дээрх зарим үг найрлагыг жигдлэн, бүтэц агуулгыг хэлбэржүүлэн, уншигч судлагч нартаа нэмэр болвуу хэмээн зарим тайлбар зүүлт, хавсралт зэргийг гүйцэтгээд та бүхнийхээ оюуны мэлмийд өргөн барьж байна.