Монгол

Гэр бүл болох залуу хосын заяа тавилан, зураг төөрөг эвлэн нийцэж, насан туршдаа аз жаргалтай, өнөр өтгөн, түвшин сайхан амьдрахын зам мөрийг хэрхэн зохицуулах талаар 'Бэрийн зурхай' хэмээх эрдэнэ мэт төгс бүтээлдээ эрдэм номын их мэргэд бичиж үлдээсэн нь энэ билээ. Эх орондоо нэгэн өрх нэмж, эцэг эхийнхээ голомт залгах амраг хоёрын заяа төөргийг орчлонд мэндэлсэн он, сар, өдөр, цаг болон төрсөн жилийн амь, бие, эрхтэн, хийморь, дөрвөн махбодын учрал, есөн мэнгэ, найман суудлын зохицол зэргээс гадна нар, сар, од, гарагийн эерэг сөрөг нөлөөлөл зэрэг олон хүчин зүйлээс шалтгаалдаг сайн, муу талыг 'Бэрийн зурхай' нарийвчлан гаргадаг.  