Монгол

Ардын хувьсгалаас хойш 1930-аад онд Монгол Ард Улсын бичгийн хүн, угсаатны зүйч Г.Бадрах агсан нангиад толь, сурвалж бичиг шүүрдэн XIII зууныг хүртэл үеийн монгол хувцасны тухай хэрэглэгдэхүүн цуглуулж 'Монголын эртний үеийн хувцасны өгүүлбэр' хэмээх зохиол туурвижээ. Зохиогч энэ өгүүлэлдээ Кидан, Юан улсын үеийн хувцасны тухай сонирхолтой баримтыг мэдээлсэн байна. Г.Бадрахын энэ зохиолд хавсралт болгон багш Б.Соёлтой эртний монгол хувцасны зургийн цомгийг үйлдсэн нь уг хувцасны хэв загварыг дүрслэн гаргасан нэн сонин бүтээл болжээ. Хувцасны хэв маягийг Чингис хаанаас дээд үеийнхнийг үе дараалан бичих зурах тэрхүү бүтээлийг ший жүжигт хэрэглээд зогсохгүй, ерөөс улс үндэстний бадарч мандах явдалд өөрийн үндэстний онцгой түүхт тэмдэглэлтүүдийг хураангуйлж хадгалах, сургууль судлалд сурч танилцахад чухал болохыг тэмдэглэсэн байна.  