Мөнхсайхан Жамбалын

'Шинэ Монгол' бүрэн дунд сургуулийн монгол хэлний багш, хэл шинжлэлийн ухааны магистр, заах аргын ПРОФЕССОР, МУ-ын Боловсролын тэргүүний ажилтан. 1986 онд нийслэлийн 52-р бүрэн дунд сургууль, 1993 онд УБИС, 1997 онд УБИС-ийн хэл шинжлэлийн магистр, 2010 онд Засгийн газрын хэрэгжүүлэгч агентлаг 'Удирдлагын академи'-ийг тус тус төгссөн. 1993-2010 онд Гадаад Хэлний Гүнзгийрүүлсэн Сургалттай 23-р бүрэн дунд сургуульд монгол хэлний багш, 2010 оноос 'Шинэ Монгол' бүрэн дунд сургуульд багшаар ажиллаж байна. 2006-2014 онд 11,12 жилийн сургалттай 6,7,8,9-р ангийн сурах бичиг болон багшийн номыг зохиох багийн гишүүнээр ажилласан. 2013,2014 онд 6,7,8,9-р ангийн 'Монгол хэлний сургалтын хөтөлбөр'-ийг бие даан боловсруулан ном болгон гаргасан. 'Дагавар бүтээврийг заан таниулах нь' 2007 'Өгүүлбэрийн хувиргал' 2007 'Ядуугийн зовлон буюу Хулангийн хувь тавилан' 2009 'Хулдаасан барилга байна гэхэд та итгэх үү' 2013 'Багшийн идэвхтэй үйл ажиллагаа' 2013 'Уран зохиолын интеграци зайлшгүй болох нь' 2014 зэрэг судалгаа шинжилгээ, асуудал дэвшүүлсэн нийтлэлүүд бичиж, 'Аавдаа захидал бичээрэй', 'Шинэ Монгол, шинэ ертөнц' номын редактороор ажилласан. 'Эцэг эхчүүдийн гарын авлага' 2011 'Сайн хичээлийн технологи' 2012 'Бүтээлийн чуулбар' 2014 номыг боловсруулан, эмхэтгэн гаргасан. 1998 онд 'Тэргүүний залуу сэхээтэн' алтан медаль, 2003 онд 'Нийслэлийн шилдэг эмэгтэй', 2007 онд 'Есөн эрдэнэ' одон, 2014 онд 'Соён гэгээрүүлэгч' одон тус тус хүртсэн.