Энэхүү ботид гол дүрийн баатар Грег Сүнсний баярын үеэр болон сургууль дээрээ, гэртээ болсон хөгжилтэй түүхүүдийг бичжээ. Бодож төлөвлөсөн бүх зүйл нь эсрэгээрээ эргэж, хэрхэн инээдэм болсон тухай хоржоонтой, ёжтойгоор өгүүлсэн аж.

Дүрсгүй жаалын өдрийн тэмдэглэл (#1)

Энэхүү ботид гол дүрийн баатар Грег Сүнсний баярын үеэр болон сургууль дээрээ, гэртээ болсон хөгжилтэй түүхүүдийг бичжээ. Бодож төлөвлөсөн бүх зүйл нь эсрэгээрээ эргэж, хэрхэн инээдэм болсон тухай хоржоонтой, ёжтойгоор өгүүлсэн аж. Тухайлбал, Лхагва гараг Ээж маань Родрик бид хоёрыг гэрийн ажилд түлхүү оролцуулахаар шийджээ. Тэгээд бид хоёрт орой бүр аяга таваг угаах үүрэг ноогдуулав. Дүрэм нь бүх аягаа угааж дуусахаас нааш тв болон видео тоглоом тоглохыг хориглоно. Родрик бол аяга таваг угаахын хувьд дэлхийн ХАМГИЙН МУУ хамтрагч байв. Оройн хоол дуусмагц тэр дээд давхрын ариун цэврийн өрөөнд цаг гаруй суучихна. Тэгээд түүнийг буугаад ирэхэд би аль хэдийнээ бүгдийг нь угаагаад дуусгачихсан байдаг юм. Энэ талаар аав, ээжид гомдоллоход Родрик үргэлж нэг л үнэмшилгүй хариулт өгдөг байлаа (Тэр нь "миний бие цагийн хуваарийн дагуу ажилладаг гэсэн үг)...

Родрикийн дүрэм (Дүрсгүй жаалын өдрийн тэмдэглэл #2)

Би өнөөдөр сургуулийн коридорт охидуудын хажуугаар гарч явтал өмдний минь нэг шуумгаас миний дотуур өмд газар унах нь тэр. Тэр дотуур өмдийг минийх биш гэж охидуудыг бодог гэж бодоод би юу ч мэдээгүй царайлаад цаашаа явж гарлаа. Гэхдээ тэр гаргасан шийдвэрийнхээ төлөөсийг нь би удахгүй амссан л даа...
Энэхүү ботид Грег сургууль дээрээ болон гэртээ болсон хөгжилтэй түүхүүдийг бичжээ. Бодож төлөвлөсөн бүх зүйл нь эсрэгээрээ эргэж, хэрхэн инээдэм болсон тухай хоржоонтой, ёжтойгоор өгүүлсэн аж.

Эцсийн найдвар (Дүрсгүй жаалын өдрийн тэмдэглэл #3)

Зуны амралт боллоо. Цаг агаар дулаарч, хүүхдүүд гадаа тоглоцгоогоод л. Харин Грег Хеффли хаана байна? Тэр гэртээ, бүх цонхоо хаачхаад видео тоглоом тоглож сууна. Грег бол яахын аргагүй гэртээ байх дуртай хүн болохоор зуны амралтын талаарх мөрөөдлөө биелүүлж байгаа гэх үү дээ. Ямар ч хариуцлага хүлээхгүй, мөн ямар нэгэн дүрэм журамд баригдахгүй. Харин Грегийн ээж төгс зуны амралтын талаар шал өөр бодолтой нэгэн... Гадаа цэнгэг агаарт зугаацаж, гэр бүлээрээ өнгөрөөх гэх мэт... Хэн нь ялах бол? Эсвэл Хеффлигийн гэр бүлийн шинэ гишүүн бүх төлөвлөгөөг өөрчлөх болов уу?

Нохой гаслам халуун өдрүүд (Дүрсгүй жаалын өдрийн тэмдэглэл #4)

Грег Хеффли том болохыг тэсэн ядан хүлээнэ. Гэвч тэглээ гээд бүх зүйл сайхан болно гэж үү? Охид-хөвгүүдийн үдэшлэг, нэмэлт үүрэг хариуцлага, томрох тусам явагдах элдэв өөрчлөлтүүд гээд л Грег гэнэтхэн л энэ бүх асуудалтай тулгарч эхэлнэ. Хамгийн сайн найз Роулигүйгээр тэр бүхнийг даван туулж чадах болов уу? Эсвэл "гашуун үнэн"-тэй нүүр тулах уу?

Гашуун үнэн (Дүрсгүй жаалын өдрийн тэмдэглэл #5)

Грег Хеффли том асуудалд оржээ. Тэр сургуулийн эд хөрөнгө сүйтгэсэн хэргийн гол сэжигтэн болов. Гэвч тэр буруугүй байлаа. Яахав, буруугүй шахам гэх үү дээ. Сургуулийн захиргаа түүнийг барихын даваан дээр байтал гэнэт цасан шуурга шуурч, Хеффлигийн гэр бүл түгжигдэж орхих нь тэр. Цас хайлахаар Грег хэргээ хүлээхээс өөр аргагүй болно гэдгээ мэдэж байлаа. Гэсэн ч баярын өдрүүдээр гэрийнхэнтэйгээ хамт түгжигдэхээс илүү дор шийтгэл байна гэж үү?

Түгжигдсэн нь (Дүрсгүй жаалын өдрийн тэмдэглэл #6)

Хаа сайгүй хайр дурлалын асуудлууд хөвөрч байна. Харин энэ бүхэн Грег Хеффлид хамаатай болов уу? Дунд сургууль дээрх Валентины үдэшлэг Грегийн амьдралыг орвонгоор нь эргүүлэх болно. Грег үдэшлэгт явах болзоот охиноо хайхын сацуу чухал үдэш ганцаархнаа хосгүй хоцрох вий гэж санаа зовнино. Сайн найз Роулд нь ч гэсэн үдэшлэгт хамт явах хос байгаагүй тул Грег бага ч болов тайвширч байлаа. Санаанд оромгүй тохиолдлоор Грег бүжгэнд хамт явах хосоо олох ба Роули ганцаараа хоцорно. Гэвч ганцхан үдшийн дотор олон зүйл болж өнгөрөх ба эцэст нь хэнийх нь аз гийж, хайр дурлалын асуудалд одтой байх бол?

Шаврын хаалт (Дүрсгүй жаалын өдрийн тэмдэглэл #7)

Грег Хеффли ойрд үнэхээр азгүй байгаа. Хамгийн сайн найз Роули нь түүнтэй найзлахаа больсон болохоор дунд сургуульд орсон хойноо шинэ найзтай болно гэдэг тун амаргүй байв. Аз завшаан тохиолдоосой гэсэндээ Грег боломжгүй зүйлд итгэн, бүх шийдвэрээ хувь тавиланд даатгана. Энэ бүхэн Грегийн амьдралыг өөрчлөх болов уу, аль эсвэл түүний амьдрал анхнаасаа л азгүй байх тавилантай юм гэж үү?...&nbsp;

Азгүйдэл (Дүрсгүй жаалын өдрийн тэмдэглэл #8)

Грегийн зуны амралт эхлэхэд, түүний ээж нь гэр бүлийн гэнэтийн аялалд явах болсноо зарлалаа. Ээж нь үргэлж л хаашаа аялах болсноо урьд өдөр нь хэлдэг билээ. Энэ удаад тэд хаашаа аялах бол? Ямар адал явдалтай учрах бол?
Зуны гэр бүлийн аялал нь маш хөгжилтэй байх ёстой... гэвч, мэдээж Хэффлигийнх бол биш. Аялал олон олон амлалтаар дүүрэн эхэлсэн ч, буруугаар эргэлээ. Шатахуун түгээх станцын угаалгын өрөө, галзуу цахлай, машины мөргөлдөөн, зугтсан гахай - зэрэг нь Грег Хэффлигийн бодсон шиг цагийг сайхан өнгөрүүлэх хэрэг биш юм. Гэхдээ хамгийн муу замын аялал ч гэсэн адал явдал болж хувирдаг бөгөөд энэ бол Хэффлийнхний хувьд удаан мартхааргүй аялал болсон.

Урт аялал (Дүрсгүй жаалын өдрийн тэмдэглэл #9)

Грегийн ээж үргэлж л хүмүүс хоорондоо харилцаж байх цагаа элдэв электорон хэрэгсэлд зарцуулах болсон нь орчин цагийн хамгийн том асуудал нь гэж хэлдэг байв. Тэр бүр хотын захиргаанаас амралтын өдрүүдээр огт цахилгаан хэрэглэхгүй байх шийдвэр гаргуулж дөнгөсөн гээч. Гэхдээ бага зэрэг заль хэрэглэсэн л болохоос. Энэ бүхэн Грег Хеффлид тийм ч таатай санагдсангүй. Дээрээс нь тэдний гэрт өвөө нь хамт амьдрах болсноор аавынх нь ааш зан муудлаа. Грег санаандгүй нэгэн хэрэг тарьсныхаа дараа энэ бүхнээс зугатах цорын ганц арга нь сургуулиас зохион байгуулж байгаа Хардскрабл фермд долоо хоногийг өнгөрүүлэх үйл ажиллагаанд бүртгүүлх гэж боджээ. Гэвч тэр фермд нэгэн аймшигт түүх байдгийг бүр тэр түүхийн эзэн нь түүний огтхон ч төсөөлөөгүй нэгэн байна гэж яаж ч мэдэх билээ. Дүрсгүй жаалын адал явдал үргэлжилсээр.

Хуучин цаг (Дүрсгүй жаалын өдрийн тэмдэглэл #10)

Грег Хиффлигийн хувьд хүнд үе өнгөрч байлаа. Ээж нь видео тоглоом хүний тархийг агшаадаг муу уршигтай эд гэж үзсэн тул хүүгээсээ тоглоомын гараа тавиад, оронд нь “бүтээлч байдлаа” нээн хөгжүүлэхийг хүсэв. Энэ нь багадсан юм шиг Сүнсний баяр юу юугүй хаяанд тулаад ирчихсэн байдаг. Өнцөг булан бүрд Грегийг аймшиг отно.Харин уут дүүрэн резинэн өт олохтой зэрэгцэн толгойд нь нэгэн мэргэн санаа харвах нь тэр... кино бүтээчихвэл ээжийн үглэхийг болиулаад зогсохгүй баян бас алдартай болчих юм биш үү? Аль эсвэл энэ санаа хангалттай олон асуудал дээр нэмээд байдлыг улам дордуулчих юм болов уу? За за, дүүрсэн хэрэг.

Дүүрсэн хэрэг (Дүрсгүй жаалын өдрийн тэмдэглэл #11)

Грег Хеффли гэр бүлийн хамт хотоос гадагш аяллаар явах боллоо. Цаг агаар хөлдөж үхмээр хүйтэн байснаас гадна баярын өдрүүд юу юугүй тулаад ирчихсэн байтал ямар ч бэлтгэлгүйдээ сандарсан Хеффлигийнхэн энэ бүхнээс зугтаж, бие сэтгэлээ амраахаар халуун орны арал дээрх нэгэн амралтын газар руу оргоцгоов. Дулаахан диваажинд өнгөрүүлэх тэр хэдэн өдөр Грег хүү болон түүний ядарч гүйцсэн гэр бүлийнхний алжаал ядаргааг тайлж өгөх ёстой байв.Гэвч очсон хойноо өнөөх диваажингийн арал нь сурталчлаад байсан шигээ сайхан газар биш болохыг тэд нүдээрээ үзлээ. Наранд цохиулж, гэдэс нь өвдөхөөс эхлээд, арал дүүрэн хортой амьтад гээд тэндэхийн бүх зүйл гэр бүлийн аялал, амралтыг сүйрүүлж орхилоо. Энэ аяллыг аврах боломж олдох болов уу? Аль эсвэл бүр тэр чигтээ гамшиг болон хувирах болов уу?

Орголт (Дүрсгүй жаалын өдрийн тэмдэглэл #12)

Өвлийн юу нь хамгийн гоё вэ? Грег Хефллид бол халуун шоколад л юм даа. Хэчнээн халуун шоколадтай байсан ч Грег л хойно бүхэл бүтэн өвлийг яаж зүв зүгээр өнгөрөөх вэ дээ...Өвлийн хахир хатуу цаг агаарын хажуугаар Грег хөршийнхөө хүүхдүүдийн дунд нэмээд хүйтэн дайны оч үсэргэж орхив. Шөнөжин дайны стратеги судалж, маргааш нь хэрэгжүүлэх гэж оролдсон нь бүхэл хотыг хамарсан хэрцгий явдал болж үргэлжлэв. Энэ бүхний эцэст өөрийн амьд үлдэх чадварыг таньж, энэ дэлхийд хэрэгтэй хүн гэдгээ мэдэж авчээ. Цасан бөмбөлгийн хайр найргүй тулааны хөлд үрэгдчихгүй гэвэл уншаад үзээрэй.

Хайлж урссан нь (Дүрсгүй жаалын өдрийн тэмдэглэл #13)

Гэнэт л нэг өдөр хэн нэг хамаатнаас тань хөрөнгө өвлөгдсөн тухай мэдээ ирвэл яах вэ?Энэ удаа хөлс чийхрам эгзэгтэй явдлууд ар араасаа үргэлжлэх болно.Өвлөгдсөн хөрөнгөөрөө Грегийн гэр бүлийнхэн орон гэрээ засаж сэлбэхээр шийджээ. Тэр дээвэр дор зөвхөн тэдний гэр бүлийнхнээр хязгаарлагдахгүй, өөр олон амьд амьтан аж төрдөг байсныг олж мэдэв. Цаашид ийм явдал гарахаас сэргийлж, бүх ханаа шилээр барих санаа мэдээж Грегээс өөр хэнд төрөх вэ дээ... Хөгцөрсөн хана, хортой тунадас, урилгагүй ан амьтдаас ч дор зүйл тохиолдсон гээд бод доо. Энэ бүхний дараа тэд засвар хийсэн сайхан байшинд аятай тухтай амьдрах боломж бүрдэх нь үү? Аль эсвэл бүр том байшин руу нүүх нь үү? Грегийн хувьд шинэ газар нүүж очоод, бүхнийг шинээр эхэлж, өөрийгөө догь гар гэж ойлгуулах сонирхолтой байлаа. Та алийг нь илүүд үзэх байсан бэ?

Сүйтгэгч бөмбөг (Дүрсгүй жаалын өдрийн тэмдэглэл #14)

Өнөөх гайтай халуун усны онгоц дээврийг нь цөмлөснөөс болж Грегийн гэр бүлийнхэн хэсэгтээ эмээгийндээ толгой хорогдохоос өөр аргагүй болжээ. Бас засварын ажилд хамаг мөнгөө зарцуулсан болохоор амралтад зориулах зардал хэцүүхэн. Гэвч эмээгийнхээ зоорины давхарт бүгд хамтдаа дахиад жаахан удвал галзуурахад ганц хуруу л үлдэх шинжтэй. Тиймээс зардал багатай жинхэнэ зэрлэг аялалд гарахаар шийдлээ.

Тэсгэл алдарсан нь (Дүрсгүй жаалын өдрийн тэмдэглэл #15)

Грегг Хеффли спортоор оролдоод өөдтэй юм болж байсан удаа ер үгүй. Сургуулийн спортын өдөрлөг гэгч гамшгийн дараа Грег спортын салбарт зодог тайлж, тэтгэвэртээ гарахаар бүрмөсөн шийдлээ. Гэвч ээж нь түүнийг ахиад ганцхан удаа оролдож үзэхийг ятгаад амар заяаг нь үзүүлэхгүй байсан тул санааг нь амраахаар сагсан бөмбөгийн багт дуртай, дургүй бүртгүүлчхэв. Ингэлээ гээд амжилт олохгүй гэдэгтээ Грег итгэлтэй байсан юм. Гэтэл санаанд оромгүй зүйл болж, хотынхоо нэг багийн тамирчин болчихдог юм даа. Ингээд Грег шинэ багийнхныхаа хамт нэг ч хожих найдваргүйгээр спортын шинэ улирлыг эхлүүлэхээс өөр сонголтгүй боллоо. Гэвч спортын ертөнц гэдэг тааварлашгүй агаад юу ч тохиолдож болдог ажээ. Бүх юм бодитой өрнөж, хоёр гарт нь бөмбөг өөрөө хүрээд ирэх үед Грег төгс гоол оруулах боломжийг ашиглах болов уу, эсвэл талаар нэг болгож орхих уу?

Төгс шидэлт (Дүрсгүй жаалын өдрийн тэмдэглэл #16)

Грег Хеффли алдар хүндэд хүрэх замнал дардан бус, хүнд цохилтоор дүүрэн байдгийг олж мэдлээ. Ах Родрикийнхоо “Дүүрсэн живх” рок хамтлагт дагалднаар ажиллаж эхлэх үедээ юутай орооцолдож буйгаа тэр огтхон ч төсөөлсөнгүй. Гэвч удалгүй урт шөнийн үнэ төлбөргүй тоглолт, хамтлагийн гишүүдийн маргаан, мөнгөний асуудал гээд бүгд л рок н ролл амьдралын салшгүй хэсэг болохыг ойлгов. Домогт хамтлагийн ахлагч болоход нь Грег ахдаа тусалж чадах болов уу? Эсвэл Родрикийн хамтлагийн живх дүүрэхэд дэндүү хол байна уу?