<p>Чингис хааны өв, соёл II боть бүтээлд “Олноо өргөгдсөн хаанаас дараалан олон монголчууд хэрэглэгдэх түүх” хэмээх Монгол сурвалжийг түүхийн ухааны доктор Х.Мэндсайхан, судлаач Ш.Мөнхбаатар нар кирилл үсэгт хөрвүүлж, галиг тайлбарыг үйлдэн доктор Ц.Цэрэндорж хянан, судлаач Г.Цэнд-Аюуш техник редактор хийж оруулсан болно. Эл түүхийн сурвалжид Энэтхэг, Төвөдийн хаадын үүсэл, угсаа залгамжлал, Чингис хаанаас өмнөх Монголын хаадын уг гарал, залгамжлалыг өгүүлсэн төдийгүй түүхийн бусад сурвалжуудад дурдагдаагүй зарим шинэ мэдээг өгүүлсэн нь нэн сонирхолтой юм.</p>

Чингис хааны өв, соёл II

<p>Чингис хааны өв, соёл III боть бүтээлд Цэвэгжавын “Чингис хааны хураангуй шастир” хэмээх монгол бичиг, хятад хэлээрх хадмал орчуулга бүхий хорголжин барын тигээр хэвлэсэн бэсрэг сурвалжийг доктор Х.Мэндсайхан кирилл үсэгт хөрвүүлж, судлаач Б.Мягмаржав хятад ханзыг дагалдуулж, галиг тайлбар үйлдэн, доктор О.Оюунжаргал хянан тохиолдуулсан болно. Эл түүхийн эх сурвалжид Чингис хааны аравдугаар үеийн өвөг Бодочараас эхлэн Чингис хаан хүртэлх үе залгамжлал, Хайдугийн хаан болсон үйл явдал болон тухайн үеийн овог аймгийн байр байдлыг өгүүлснээс гадна, Чингис хааны намтрыг товчлон бичжээ.</p>

Чингис хааны өв, соёл (7 бүтээлт цуврал)