<p>Fifty shades цувралд төгсөх ангийн оюутан Анастасия Сийл, залуу бизнесмэн Крисчен Грэй нарын хайр дурлалын түүхийг өгүүлдэг билээ. Утга зохиолын ангийн оюутан Анастасия Стийл нэгэн өдөр санаандгүй тохиолдлоор их сургуулийнхаа нууц ивээн тэтгэгч, бизнес эрхлэгч Крисчен Грэй-ээс сурвалжлага авахаар очно. Түүнийг дур булаам, ухаалаг, сүрдмээр сайхан залуу эр байх юм гэж тэр даанч санасангүй. Гэнэн, цайлган Ана ноён Грэйд өөрийн эрхгүй дурлаж өдрөөс өдөрт түүн рүү тэмүүлж буйгаа ухаарах бөгөөд гоо үзэсгэлэн, биеэ даасан байдлыг нь ноён Грэй ч анзааралгүй орхиж үл чадна. Харамсалтай нь Грэй-ийн асар их хөрөнгө мөнгө, улс дамнасан бизнес, төгс сайхан гэр бүл, дур булаам гадаад үзэмжийн цаана мөсөн уул шиг хар бараан сүүдэр нуугдах аж. Тэрээр эмэгтэй хүнийг эрхшээлдээ оруулж гаж байдлаар таашаал авдаг нэгэн билээ. Гэвч энэ байдал Анастасияд дурлалаасаа татгалзах хангалттай шалтгаан болж чадах болов уу?</p>

Fifty Shades of Grey

Анастасия Крисчений нууцыг тайлж түүнд нь сүрдэн эмээхдээ харилцаагаа тасалж Сиэтл хэвлэлийн газарт ажилд оржээ. Гэвч Крисчений тухай бодол түүнийг өдөр шөнөгүй ээрч Крисченийг ахин санал тавихад тэрээр татгалзаж үл чадна. Хосууд харилцаагаа шинээр эхэлж хамт байхын тулд бие биедээ буулт хийх бөгөөд аажимдаа Крисчений гунигт хүүхэд насны бараан түүхийг Ана олж мэддэг. Энэ үед Крисчений өмнөх эмэгтэй уур, хилэн атаа хорсолдоо хөтлөгдөн тэдний зам дээр гарч ирнэ. Одоо хайртай хүнийхээ дэргэд үлдэх аль эсвэл бүр мөсөн холдон одох амаргүй шийдвэр түүнийг хүлээж байна.  

Fifty Shades Darker

Ана, Крисчен хоёрт бие биеэ хайрлах сэтгэл, эд баялаг, зөвхөн өөдөө тэмүүлэх ирээдүй гээд бүх юм байв. Гэвч хайртай залуу нь тийм амар хүн биш болохыг, тэд хамтдаа байвал хэн хэн нь цаг үргэлж хүндхэн сорилттой тулгарахыг Ана сэтгэлийн гүндээ мэдэрч шанална. Тэрээр өөрийн оршихуйг үгүй хийлгүй Крисчений амьдралын хэв маягт уусан зохицох учиртай. Харин Крисчен бүхнийг хяналтандаа авах гэсэн хэнээрхлээ даван туулж, хар бараан өнгөрсөн амьдралынхаа сүүдрийг даван туулах хэрэгтэй аж. Тэдний хайр сэтгэл ямар ч саад бэрхшээл, гуниг зовлон, уур хилэн, өшөө хорслыг бүдгэрүүлэх ид шидтэй мэт санагдавч Анагийн сэтгэлийн гүн дэх шаналал биеллээ олж эхэлнэ.  