Дүрсгүй хэдий ч зан төлөв сайтай Том Сойерын амьдралын түүх хичнээн их баялаг болохыг энэ номонд өгүүлэх болно. Тэрээр булсан эрдэнэсийг хэрхэн олж, шөнө дунд оршуулгын газар очсон, гэрийнхээ дэргэдээ нууцлаг гүн харанхуй агуйг олж илрүүлсэн, энгийн үйл явдлыг мартагдашгүй адал явдал болгож өөрчилж буй зэргийг мэдэж авна.  

Том Сойерын адал явдлууд

Захирагчийн хүмүүсийн нэгийг хөнөөснөөсөө болж Робин Гүүд Шервүүдийн ойн дээрэмчидтэй нийлж, гарцаагүй үхлээ сөрөхөд хүрнэ. Харгис баяд ноёдыг дээрэмдэн ядуу зүдүү олонд өгч тусалдаг, шударга үнэний төлөө тэмцдэг тэдний гайхалтай эрэлхэг, хүнд хэцүү ч ариун журамт үйлсийн талаар эндээс уншаарай.  

Робин Гүүд

Өнчин ядуу хүү Зул сарын баярын өмнө намгийн дэргэд нэгэн оргодол хоригдолтой санамсаргүй таарахдаа түүнээс хойш амьдрал нь орвонгоороо өөрчлөгдөнө чинээ санадаггүй. Тэр уулзалтын гайхалтай хачин үр дүн, хатагтай Хэвиш, түүний өргөмөл охин Эстелла нарын тухай сонирхолтой номыг хүүхэд багачууд та бүхэн заавал уншаарай.  

Агуу их хүсэл

Арван тавдугаар зууны үеийн баян тансаг Парисын тухай өгүүлнэ. Үзэсгэлэнт цыган бүсгүй Эсмеральдад дурласан залуу ламтан, бүсгүйг аврах гэсэн хөөрхий бөгтөр эр Квасимодо нарын тухай Виктор Гюгогийн гайхалтай бүтээлтэй танилцаарай.  

Парисын Дарь эхийн сүм

Бүх хүүхэд өсөж том болдог. Ганц Питер Пэнээс бусад нь. Анх 1904 онд гарсан энэ зохиол охид хөвгүүдийг Неверландын үлгэрийн орноор, аялуулж, хэзээ ч үл хөгшрөх хүүгийн хөгжилтэй адал явдлуудтай танилцуулсаар иржээ. Энэ бол хүүхэд бүрийн хүсдэг гайхалтай сонирхолтой аялал бөгөөд та бүхэн ууртай ширүүн ахмад Дэгээ, Венди охин, Жон, Майкл Дарлинг нартай танилцах болно.  

Питер Пэн

Энэ номонд алдарт зохиолч Ридьярд Киплингийн 'Зааны хошуу урт болсны учир', 'Ирвэс толботой болсон түүх', 'Халим хоолойдоо тортой болсны учир', Стоун Харриет Бичерийн 'Гэрт амьдардаг хэрэм', 'Гай тарьсан шаазгай эх', Марк Твений 'Нохойн тухай', Ганс Христиан Андерсены 'Зэрлэг хунгууд', 'Үсэрдэг мэлхий' зэрэг эрт эдүгээгийн амьтдын тухай өгүүлсэн сонирхолтой үлгэр, өгүүллүүд багтжээ.  

Амьтдын тухай үлгэрүүд

Туулайн үүрээр аялах, нөлөөтэй толины оронд Алисатай хамт очихоос илүү гайхалтай зүйл юу байх билээ? Тэндхийн бүх юм өөр, хөл толгой нь солигдсон, үнэхээр гайхалтай зүйлстэй таарна.  

Алиса гайхамшгийн оронд очсон ба толь нэвтлэн орсон нь 

Алтны хэнээрхлийн үед нэгэн эрэлхэг, ухаалаг нохойд учирсан адал явдлын талаар энд өгүүлнэ. Хатуу ширүүн уур амьсгал, харгис хэрцгий эзэд, ааш муутай ноход, хүнд хэцүү хөдөлмөр зэрэгт хөөрхий нохой дасаж, зохицох болов уу? Хүмүүст итгэж найдаж сурах болов уу? Эсвэл түүний унаган сэрэл, адгуусны араншин хөдөлж, онгон байгалиа даган одох болов уу?  

Онгон байгалийн дуудлага

Моль болон түүний найз Усны харх, ичимхий Баджер, Бах мэлхий нарын тухай өгүүлэх уг зохиол анх 1903 онд хэвлэгдэн гарсан нь хүүхэд, багачууд төдийгүй томчуудын таашаал сонирхолд ихээхэн нийцсээр өдий хүрч, дэлхийн сонгодог зохиолуудын санд зүй ёсоор багтжээ. Бүтэн улирлын турш гол усаар аялж, сүглэгэр их ойгоор зугаалж, Бах мэлхийн сүйх тэргээр давхисан тэдний адал явдал, аюул ослоос нэгнээ сэргийлэн хамгаалсан хичээл зүтгэл, нөхөрлөлийн тухай энэ номноос уншиж мэдээрэй.  

Бургасан шугуйн салхи

Миссоурид 1800-аад оны үед амьдарч байсан Хаклберри Фин гэдэг бие даасан нэгэн хүүгийн явах газар бүрт тохиолдох бэрхшээлтэй үйл явдлыг энд өгүүлэх болно. Тэрээр өөрийн хуучны анд Жимтэй уулзахаар Мисисипи гол дагуу салаар явахад нь бас нэгэн саад бэрхшээл түүнд тулгарна. Амьдралыг нь улам бүр хэцүү байдалд оруулахыг завдсан хүмүүстэй ч Хак хүү учирна.  

Гекльберри Финий адал явдал

Хэн хүний хайр хүндлэлийг татсан бяцхан хүү Седрик Эррол английн удам залгасан хан хүү, асар их эрх мэдэл, өв хөрөнгө өвлөх ёстой хүн гэдгээ мэдсэнээр бүх зүйл гэнэт өөрчлөгдөнө. Тэрбээр Бостон дахь Доринкурт цайзыг орхиж, хүмүүсийг үзэн яддаг, хатуу сэтгэлт авга ахтайгаа амьдрахаар болно. Седрик хүү хүйтэн сэтгэлт авга ахынхаа сэтгэлийг өөрчилж чадах болов уу?...  

Бяцхан Лорд Фаунтлерой

Ихээхэн сонирхолтой, энгийн үг хэллэгээр өгүүлсэн Гомерын энэ бүтээл залуу уншигчдыг гайхалтай сонин ертөнцөөр аялуулна. Харийн түрэмгийлэгчдээс Трои хотоо хамгаалахын төлөөх хатуу ширүүн тулаан тэмцэл, Ахилл баатар, эртний грекийн домогт бурхад гээд үнэхээрийн сонирхолтой зүйлсийн талаар та бүхэн Илиад зохиолоос мэдэж аваарай.  

Илиадын домог

Усан доогуурх сонирхолтой аялалд гармаар байна уу? Далай тэнгисийн мангас судлах гэсэн профессор Аронакстай хамт та явсаар ахмад Немо болон түүний нууцлаг бөгөөд гайхалтай хөлөгтэй танилцах болно. Энэ аялал аюул түгшүүр, шинэ нээлт дагуулсан сонирхолтой байх бөгөөд тэр нууцлаг зүйл юу байсныг хамтдаа олж мэдээрэй.  

Усан доогуур хорин мянган бээр аялсан нь

Францчууд индиануудтай дайтаж байсан ширүүн тулааны үед английн нэгэн генералын охид болох Кора, Алиса хоёр гэр лүүгээ явах хэрэгтэй болоход тэднийг хамгаалан хүргэж өгөх үүрэг хүлээсэн офицерын индиан газарчин урваснаас болж тэд ихээхэн хүнд байдалд орно. Тэдний амь нас, аюулгүй байдал Могикан омгийн дайчин Чингачгук, Ункас, Шонхрын нүд хочит гөрөөчин нараас шалтгаалах болдог тухай сонирхолтой үйл явдлууд өрнөнө.  

Сүүлчийн Могикан

Нагац эгч нь Хэйди охиныг ааш муутай зожиг өвөө дээр нь авчирч үлдээхэд бяцхан охин тэр хоёрыг таарч тохирон амьдраад байна гэдэгт итгэх хүн байгаагүй. Гэвч адайр ааштай өвгөн, сэргэлэн охин хоёр хэн хэндээ дасаж, аз жаргалтай амьдардаг тухай өгүүлдэг энэ гайхалтай ном дэлхийн олон мянган хүүхдийн сэтгэл зүрхийг соронз адил татсаар ирсэн билээ.  

Маугли

Парисын дуурийн театрын хий үзэгдлийн нууц тайлагдахгүй их олон жил болжээ. Яагаад тийм олон аймшигтай эмгэнэлт явдал тохиолдох болов? Яагаад бүгд түүнээс жийрхэн зугтаадаг вэ?... Гайхалтай дуучин бүсгүй, 'дуурийн театрын хий үзэгдэл' хоёрын тухай сэтгэл догдлуулсан уг зохиолоор Бродвейд хөгжимт жүжиг гарсан нь олон хүний таалалд нийцэж байжээ. Хүүхэд, багачууд та бүхэн энэхүү сонирхолтой, сэтгэл догдлуулам түүхийг заавал уншаарай.  

Дуурийн театрын хий үзэгдэл

Хөөрхий Сара охинд их хэцүү байжээ. Ачит аав нь амьд сэрүүндээ охиноо хайрлан эрхлүүлж өсгөсөн ч ертөнцийн мөнх бусыг үзүүлсэн тул Сара охин хоосон ядуу өнчрөн хоцорч, охидын сургуулийн хахир хатуу захирал хатагтай Минчиний гарт оржээ. Гэвч охин гуниж гутарсангүй, сайхан сэтгэлтэй, сайн хүүхэд хэвээрээ үлдэхийг хичээж, зовлон бэрхшээлийг давахаар хичээн зүтгэдэг тухай өгүүлсэн энэ өгүүллэг хэдэн зуун жилийн турш орон орны хүүхэд багачуудын сэтгэлийг татсаар ирсэн билээ.  

Бяцхан гүнж

Энэхүү зохиол нь бяцхан уншигчдыг бүжгийн урлагийн гайхамшигтай танилцуулж баяр хөөр бэлэглэнэ. 'Хунт нуур', 'Коппелия', 'Галт шувуу' зэрэг гайхамшигт өгүүллэгүүд энэ номонд орсон болно. Мэдээж бүгдийн дуртай 'Цөмөөхэй' ч бий. Энэ бол хүүхдүүд та нарыг урлагийн ертөнцтэй танилцуулах гайхалтай ном юм шүү.  

Хунт нуур

Дөнгөж арван нэгхэн настай Рэбэкка Рандалл охин Нарлаг горхи эдлэн дэх нагац эгч нартайгаа амьдрахаар ирнэ. Охин амар тайван, элбэг хангалуун амьдарч, сайн боловсролтой болно гэж бодсон ч хатуу чанд, хахир ааштай хөгшин нагацтай учирна. Гэвч сэргэлэн цовоо ааш, хурц ухаан, элгэмсэг ялдам сэтгэлээрээ эдлэнгийнхний хайрыг татаж чаддаг тухай зохиолд гарна.  

Нарлаг горхи эдлэнгийн Рэбэкка охин

Эрхэм уншигч хүүхдүүд та бүхэн Филеас Фоггийн дэлхийг тойрсон гайхалтай аялалын тухай энэ номноос уншаарай. Дандаа мэтгэлцэн, мөрийнд бооцоо тавьж явдаг тэрээр дэлхийг 80 хоногт амжиж тойрно хэмээн аялалд гарна. Энэ аялал хөгжилтэй, сонин үйл явдлаар дүүрэн байх болно.  

Дэлхийг тойрсон 80 хоног

Снэефэлс галт уулын тогоо руу уруудаж, зургадугаар сарын сүүлчийн сарны сүүдэр дагаж явбал ертөнцийн гүнд хүрэх замыг олно гэсэн тэмдэглэл уншсан эрдэмтэн ач дүүгээ дагуулан дэлхийн гүний аялалд гарч байгаа талаар өгүүлнэ. Тэд хачин сонин тогтоцтой газрууд, үлэг гүрвэл болон эртний бусад хачин амьтдын ул мөртэй таардаг. Гайхалтай адал явдал сонин хачин зүйлсээр дүүрэн Жюль Вернийн энэ бүтээл та бүхэнд таалагдах болно.  

Дэлхийн гүн рүү аялсан нь

Усан онгоц нь ширүүн салхинд сүйрснээс болж Робинсоны гэр бүл алслагдсан эргийн эзэнгүй арал дээр хэдэн хувцастайгаа хаягдаж зөвхөн өөрсдийн оюун ухаан, эр зоригт найдан амьд гарах ёстой болдог. Ямар их аюул бэрхшээл, цөхрөлийн дунд өөрийн орон гэрээ болгосон арал дээр тэдний гэр бүл хэрхэн амьдарч буйг харуулсан сонирхолтой адал явдлын талаар энд өгүүлнэ.  

Эрэлхэг Робинсоныхон

Мэри Леннокс өвчтэй үеэл ахтайгаа Йоркшир дахь том байшинд нь хамт амьдрахаар болж эхэндээ ихэд ганцаардана. Охин нууц цэцэрлэгт хүрэх түлхүүрийг олох хүртэл бургасаар хучигдсан ханын цаана юу байгаа талаар огт мэдэхгүй байлаа. Мэри шинэ нөхдийнхөө хамтаар нууц цэцэрлэгийг өөрийг нь хүлээн авсан гэр бүлийнхний замд таарсан аз жаргал хэмээн үзэж, амар тайван үзэсгэлэнт сайхан ертөнц болгон хувиргана.  

Нууц цэцэрлэг

Хорон санаатай, залхуу, арга зальтай Пиноккио хүүхэлдэй өөрийг нь хийсэн өвгөн Джэпеттогийн үйлийг үзэж, санааг нь зовооно. Дуулгаваргүй, дүрсгүй тэр модон хүүхэлдэй жинхэнэ хүүхэд болохыг ихэд мөрөөднө. Гэвч жинхэнэ хүүхэд болохын тулд тэр хүмүүжилтэй, ажилсаг, шударга хичээнгүй болох хэрэгтэй болно. Пиноккио жинхэнэ хүн болох ихээхэн хүнд хэцүү замыг туулж буй сонирхолтой түүхийг энд өгүүлнэ.  

Пиноккио

Чоно нохойн эрлийз Цагаан соёот байгалийн төдийгүй хүмүүсийн хатуу хахир араншинг ханатлаа амсаж мэдэрнэ. Анхны эзнийхээ чармайлтаар чарганд зүтгэж сурсан тэр өөр эзний гар дээр очоод нохдын зодоонд оролцоно. Ханаж цадахыг мэдэхгүй шуналт харгис эр түүнийг өчүүхэн ч хайрлахгүй. Хатуу хүнд бэрхшээл саадыг халшралгүй давсаар, эцэстээ сайн эзэнтэй таарч, түүний хайр халамжийг хүртэж байгаа Цагаан соёотын гайхалтай амьдралын түүхийг энэ номноос уншаарай.  

Цагаан соёот

Далайн дээрэмчдийн чухалчлан эрж хайгаад байгаа үнэтэй эрдэнэсийг олох гэсэн залуу Жим Хоукинс гайхалтай адал явдлуудтай учирдаг. Хөлгийн тогооч болон багийн бусад гишүүд бүгд далайн дээрэмчид болохыг мэдсэн Жим аюулыг сөрж, дээрэмчдийн эсрэг амь сөрсөн тэмцэлд босох хэрэгтэй болно. Хүүхдүүд та бүхнийг өөр цаг үед болж өнгөрсөн сонин үйл ядлаар дүүрэн, ид шидийн бас хөгжилтэй, уншихад хялбар болгон хураангуйлан бичсэн гайхалтай зохиол хүлээж байна.  

Эрдэнэсийн арал

Хачирхалтай одой нарын улс, аварга биетнүүдийн орон, ид шидэт Лапудуудын улс, хүн цээжтэй морьдын орон, ихээхэн зэвүүн зэрэмдэг яахуу нарын оронд очсон зэрэг хачин гайхалтай аяллынх нь талаар та бүхэн Гулливерийн тэмдэглэлээс уншиж танилцаарай.  

Гулливерийн аялал

Таван бяцхан хүүхэд Бэн, Поли, Джоэла, Дэйви, Фронси нар өсөж том болоод ирэхийн цагт хатагтай Пэпэрт амьдрал нь хүнд хэцүү мэт санагдах болсон ч тэднийх инээд хөөр, итгэл найдвар, баяр жаргал дүүрэн айл байжээ. Амьдралаа авч явах хэрэгтэй болсон хатагтай Пэпэр оёдлын ажилдаа сэтгэл дүүрэн зүтгэж үр хүүхдүүдээ өсгөн бойжуулж чадаж байв. Аар саар бэрхшээл хүндрэл байсан ч тэд аз жаргалтай байжээ. Гэхдээ тэдний нэг болох бага хүүд нь аюул нүүрлэхэд тэр энэ чигээрээ байж чадах болов уу?  

Таван бяцхан Пэпэр

Мэри Шеллигийн бараг хоёр зуун жилийн өмнө бичсэн энэ зохиолд аймшигт мангасыг бий болгосон нэгэн эрдэмтний эмгэнэлт хувь заяаны талаар өгүүлнэ. Тэрбээр цахилгаан эрчим хүч болон үхсэн хүмүүсийн цогцосны хэсгүүдийг эвлүүлж нийлүүлэн Франкенштейн хэмээх шинэ хүнийг бүтээдэг. Тэгээд юу хийснээ ухаарах мөчид нэгэнт оройтсон байна.  

Франкенштейн

Алдарт шадар цэргүүдийн түүх амь сөрсөн өөр нэгэн түүхээр үргэлжилж байна. Энэ удаа Арамис XIV Луис хааныг хаан ширээнээс нь түлхэн унагааж, гянданд хоригдож байсан түүний дүү Филиппийг оронд нь хааны сэнтийд суулгах аюултай ажил сэднэ. Филиппийг багаас нь хорьж, хэнд ч харуулаагүй тул түүний талаар хэн ч мэдэхгүй. Түүнийг сайн хаан байж чадна гэж Арамис итгэдэг. Арамис буруу зүйл хийж байна уу эсвэл түүний зөв үү? гэдгийг энэ номноос уншиж мэдээрэй.  

Төмөр багтай хүн

Дракулагийн адал явдал үргэлжилж байна. Тэр дандаа хүүхэд барьж иддэг. Энэ номонд Трансильваниас Лондон хүртэлх газрыг бүхэлд нь айдас хүйдэст автуулсан цус сорогч Дракула сүйт бүсгүй Мина, түүний найз Люси нарын араас авж байсан гэмгүй Джонатан Харкерийг хорьж тамлаж байгаа болон тэр аймшигт цус сорогчийн эсрэг тэмцэж байгаа доктор Ван Хелсинг нарын тухай сэтгэл догдлуулсан түүхийг өгүүлэх болно.  

Дракула

Яков Гримм, Вильгельм Гримм хэмээх ах дүү хоёр байжээ. Тэд эрт, эдүгээ, цаг цагт ардын авьяас билэгтнүүдийн зохиосон хамгийн сонирхолтой үлгэр домгуудыг цуглуулан дэлхийн олон орны хүүхэд багачуудын хүртээл болгосон буянтнууд билээ. Энэ номд Үнсгэлжин, Цасангоо, Эрэлхэг оёдолчин зэрэг бүх цаг үеийн багачуулын сонирхлыг татсаар ирсэн 12 шилдэг үлгэр багтсан болно.  

Гриммийн шидэт үлгэрүүд

Анх 1877 онд 'Хөөрхөн хар' ном хэвлэгдэн гарахад хүмүүсийн морь адгууст хандах хандлага өөрчлөгдөж, тухайн нийгэмд ихээхэн нөлөө үзүүлж чаджээ. Үзэсгэлэнтэй бөгөөд хийморлог хар зүсмийн энэ амьтны хичнээн олон эзний гар дамжин, ямар бэрх амьдралыг туулсан талаар өгүүлэх энэ зохиолыг өнөөдөр ч амьтан сонирхогчид унших дуртай хэвээр байна.  

Хөөрхөн хар

Аав нь дайнд явж шархдан, ээж нь түүний араас явсан эгч дүү дөрвөн охины хамгийн сайхан сэтгэлтэй нь болох Бэт хүнд өвчин тусч, тэдний гэр бүл хүнд үетэй тулгарна. Хэдий ядуу зүдүү ч бүгд бие биеийнхээ төлөө гэсэн чин сэтгэлтэй охид хүнд хэцүүг даван туулдаг. Охид бие биенээ гэсэн сэтгэлтэй, сайн сайханд тэмүүлэх эрмэлзлэлээр дүүрэн байдаг нь хатуу бэрхийг давахад тусална.  

Жаалхан авхай нар

Нэгэн цагт өрнөсөн америкийн иргэний дайны үеийн хүний эр зориг, тэсвэр хатуужил, эх оронч үзлийн талаар энэхүү зохиолд өгүүлнэ. Холбоотны цэрэгт ирсэн залуу тэр их үхэл хагацал, цус нулимсыг хараад цочирдоно. Эмзэглэж цочирдсон тэрбээр цэргээс оргон зайлна. Гэвч айсандаа биш, хүнлэг сэтгэл нь дийлсэндээ тэр. Тэрээр дахин 1863 оны хавар анх удаа цус асгаруулсан их тулаанд биечлэн оролцоно...  

Эр зоригийн медаль 

Хөлөг нь сүйрсэн Робинзон эзгүй арал дээр хаягдаж ихээхэн хүнд хэцүү сорилттой тулгарна. Энэ явдал XVII зууны үед болж өнгөрнө. Арал дээр амьдарсан гуч шахам жилийн турш амьд үлдэж, өөрийгөө хамгаалахын тулд тэр ямар их бэрхшээл саадыг даван туулж, хэрхэн хөдөлмөрлөж, тэмцэж байгаа тухай өгүүлэх энэхүү сонирхолтой, сэтгэл догдлуулсан түүх хүүхдүүд та бүхэнд таалагдах нь дамжиггүй.  

Робинзон Крузо

Шидэт нуур, чулуунд шигтгэсэн илд, дугуй ширээний хүлэг баатруудын тухай, домогт Артур хааны тухай энэ зохиол үеийн үед сонирхолтой байсаар ирсэн түүхтэй. Артур хааны гайхамшигт ялалтууд, сайн санаат зөнч Мерлин, хорон санаат Вивианагийн гайгаар балран мөхөж байгаа тухай гайхалтай, сонирхолтой түүхийг энэ номноос уншиж мэдээрэй.  

Артур хаан ба түүний хүлэг баатрууд

Амьтны хэл мэддэг гэгддэг Долитл эмч Африкийн сармагчингуудад аюулт өвчин туссаныг дуулаад тэдэнд туслахаар найз амьтдынхаа хамтаар адал явдалт далайн аялалд гардаг. Түүнд тохиолдох сонирхолтой явдлуудын тухай энэ номонд өгүүлнэ.  

Долитл эмчийн аялал 

Та нар ч гэсэн сайн сайхан зүйл хайж эхлэхдээ муу муухай зүйлийн талаар огт боддоггүй биз дээ. Үргэлжийн сэргэлэн цовоо Поллианна охин хэдийд ч баяр жаргалтай, гэрэл гэгээтэй сайн талыг олж харан, бусдын сэтгэлийг засаж урам зориг өгдөг. Өнчирч үлдсэн хөөрхий Поллианна хүйтэн сэтгэлт нагац эгчийндээ ирээд нагацынхаа хүйтэн сэтгэлийг дэвтээн дулаацуулж, баяртай сайхан сэтгэлийг нь сэрээдэг тухай та бүхэн энэ номоос уншаарай.  

Поллианна

Мур, Психей, Эдип, Сфинкүүдийн тухай гээд ихээхэн сонирхолтой олон домог түүх энэ номонд багтсан байгаа. Номын эхэнд эртний Ромын янз бүрийн бурхад, охин тэнгэрүүдийн тухай дэлгэрэнгүй өгүүлсэн тул хүүхэд багачууд та бүхний мэдлэгийг тэлэх болно.  

Ромын домог 

Карын домогт нислэгээс авахуулаад Орфейн газар доорх ертөнцөөр аялсан түүх хүртэл Эртний Грекийн 15 домог үлгэртэй энэ ном та бүхнийг танилцуулна. Уншихад хялбар, сайхан зураг чимэглэл бүхий уг номоос Гераклийн баатарлаг явдлууд, Пандорагийн авдар, Мидас хааны алтан таяг гээд олон сонирхолтой зүйлийн талаар олж мэдээрэй.  

Эртний Грекийн домгууд

Энэ номыг та бүхний өмнө уншсан 'Жаалхан хатагтай нар' зохиолын шууд үргэлжлэл гэж хэлж болно. Уг зохиолд гардаг охин насанд хүрээд Пламфиелдын сургуулийн эзэн Джотой гэрлэнэ. Нат Блейк хүү Пламфиелдэд ирж байгаагаар зохиол эхэлдэг бөгөөд та бид тэндхийн байгаль орчин, сургууль, хөгжилтэй, тав тухтай амьдрал, хүмүүсийн сайхан сэтгэлийг тэр хүүгээр дамжуулан мэдэх болно.  

Жаалхан эрчүүд

'Нэг нь нийтийн төлөө, нийт нь нэгийн төлөө'- Энэ бол францын хааны гвардийн эрэлхэг шадар цэргүүдийн уриа. Алдарт шадар цэрэг Атос, Портос, Арамис нар болон ухаалаг сэргэлэн дайчин эр д'Артаньяны адал явдлууд, Францын хаанд дайсагнагч хорон санаат их хамба, хорон санаат урвагч Миледи бүсгүй, хаан хатан хоёрт дайсагнасан элдэв этгээдийн тэмцэл тулааны тухай сонирхолтой, сэтгэл булаам түүхийг уншаарай.  

Шадар гурван цэрэг

Хүүхэд хулгайлдаг дээрэмчид, өнчин ядуу хүүхдүүд, засан хүмүүжүүлэх хөдөлмөрийн хуарангууд бүхий Викторийн үеийн үзэсгэлэнт Англи орноор хүүхэд багачууд та бүхэн аялах болно. Асрах газарт байхдаа хоол нэмүүлэхийг зориглон гуйсныхаа дараа манай баатар аймшигтай хүнд хэцүү байдалд ордог. Хорвоо дэлхийгээр хэсүүчлэн явж, аз жаргалаа олохоор шийдсэн Оливер Твист Лондонд очоод гэмт хэрэгтэн дээрэмчидтэй нийлсэн боловч эцэстээ жинхэнэ аз жаргалтайгаа учирдаг тухай өгүүлнэ.  

Оливер Твист 

Эдвард Тюдор, Том Кэнти хоёр бараг адилхан боловч дор дороо өөр амьдралтай, өөр өөрийн гэсэн онцлогтой хүүхдүүд. Эдвард Английн хаан ширээг залгамжлагч бол Томын эцэг ядуу хулгайч. Тэр хоёр жаал нэг удаа санаандгүй тааралдаж уулзалдаад нэгнийхээ оронд амьдарч үзэхээр тохиролцоно. Гэтэл хэн хэн нь гэнэтийн саад бэрхшээлтэй учирдаг. Адал явдал, авхаалж самбаа, эр зориг, тэвчээр хатуужил шаардсан энэ адал явдлын явцад хоёр жаал ертөнцийг өөрөөр хардаг болно.  

Жонон гуйлгачин хоёр

Үлгэрт Трой хотын дайнд ялалт байгуулж олноо алдаршсан Итакагийн хаан Одиссей гэх агуу баатрын түүхийг өгүүлнэ. Тэр үй олон зоригт эрсийг оройлон манлайлж байсан гэдэг. Трой хотын дайны үеэр Одиссей, түүний цэргүүд зарим бурхдын уур хилэнг бадраажээ. Үүнээс болоод бурхад Одиссей баатрын гэртээ хүрэх замыг урт удаан, бартаатай болгохоор шийдсэн байна. Тэрхүү урт удаан аян замыг Одиссей бүхэл бүтэн арван жил явж туулсан гэдэг.  

Одиссей 

Канадын зохиолч Л.Монтгомери Анна охин болон дотны найз Гилберт нарын дүрийг бүтээхдээ бодит хүмүүсийн үнэн амьдралаас санаа авч бичжээ. Дэлхийн хөгжиж буй улс орон бүр 'Ногоон давхарцагийн Анна охин' номыг дунд сургуулийн уран зохиолын хичээлийн хөтөлбөрт зайлшгүй оруулдаг бөгөөд дэлхий даяар сая сая хүүхэд залуусыг өөтрөө итгэлтэй, урам зоригтой байж, хүн хүнээ гүн гүнзгий ойлгож хайрлахад сургасан ном хэмээн тооцдог. Зохиолч Л.Монтгомери Аннагийн амьдралаас сэдэвлэсэн нийт 9 роман бичсэн бөгөөд бидний танилцаж буй нь эхний хэсэг буюу Аннагийн 11-16 насны хоорондох түүхийг өгүүлнэ.  

Ногоон давхарлагийн Анна

Тайлагдашгүй хэрэг

Хэйди

Яагаад хулгайч Напалеоны баримлыг эвдэж сүйтгэсэн бэ?, хаана цэнхэр чулууг нуусан бэ?, нууцлагхан Ирен Адлер гэж хэн байсан бэ? Шерлок Холмс ба түүний илтгэлт анд Ватсон нар гарсан хэрэг явдлын үнэн нууцыг хэрхэн тайлж байгааг энэ номноос уншаарай.  

Шерлок Холмсын адал явдал

Мянга нэгэн шөнийн үлгэр

Намайг Измаэл гэдэг. Хэдэн жилийн өмнө би ажил хайж байсан юм. Надад амьдралын зорилго ч байгаагүй, гэр гээд нэрлэчихмээр газар ч байгаагүй үе. Тиймээс би далайд гарч, хорвоо ертөнцийн хэсгийг ч болов үзэхээр шийдэв. Би урьд нь үргэлж ингэдэг байсан юм. Амьдрал хэцүүдэд ирэх үед би хөлөг онгоцон дээр ажилладаг байлаа. Тэгэхгүй бол нэг л бачимдаад, гудамжаар хэсүүчилж, хүмүүсийн малгайг цохиж унаган явна. Ганцхан би тэгдэг байсан гэвэл бас үгүй. Далайн эргийн хотод амьдардаг бол зуу зуун хүн далай ширтэн шүүрс алдаж байгааг харна. Зарим хүмүүс яаж байнга албан өрөөнд ажилладагийг би огт ойлгодоггүй юм. Хэрэв би байсан бол аль хэдийнээ галзуурчих байсан. Над шиг хүмүүс тэнгисийн татах хүчийг хэзээ ч эсэргүүцэж чадахгүй. Бид эцсийн зоосоо далайн эрэгт хүрэхэд зориулах улс...  

Моби Дик

Хорьдугаар зуун дөнгөж гарах үед хүн төрөлхтнөөс илүү ухаантай амьтад биднийг ажиглаж байдаг гэдэгт хэн ч итгэхгүй байсан. Бид бичил дурангаар амьд биесийг харж, судалдгийн адил тэдгээр амьтад хүн төрөлхтнийг ажигла-даг гэдэгт хэн ч эргэлзэх биз ээ. Бид өөрсдийгөө энэ Дэлхий ертөнцийн агуу эзэд нь гэж бодож явсан. Гэхдээ бичил дурангаар харагдах тэдгээр өчүүхэн амьтад ч гэсэн өөрсдийгөө энэ Дэлхийн эзэд гэж бас төсөөлдөг байх.  Хүн төрөлхтөнд огторгуйн өөр нэг гарагаас аюул заналхийлэл ирнэ гэж хэн бодох билээ? Тэр гарагийн ухаант амьтад биднийг дээрээс ажиглан, халдах төлөвлөгөө боловсруулж байжээ. Тэд энэ ертөнцийн дан ганц эзэн нь биднийг биш гэдгийг баталсан юм.  Одон орон судлаачид Ангараг гарагийг манай Дэлхийгээс том хэмжээтэй гэж үздэг. Хэрвээ Ангараг гараг дээр амьдрал бий гэж тогтоогд-вол, энэ нь Дэлхийн амьдралаас нэлээд өмнө үүссэн байх магадлалтай. Тиймээс Ангараг гара-гийн амьтдыг бидэнтэй харьцуулбал, хавьгүй өндөр түвшинд хүрсэн нь тодорхой гэж эрдэмтэд таамагладаг.  Ангараг гараг нарны тусгалаас хол байрладаг учир манай гарагийн хамгийн хүйтэн өвлөөс ч илүү дулаан болдоггүй. Бас агаар мандал нь нимгэн далай тэнгис нь хүртэл устаж үгүй болсон. Хойд, өмнөд туйлд нь аварга том мөсөн бүрхүүл тогтжээ. Ийм хүнд нөхцөлийг тэсэж гарах чадвар Ангараг гарагийнханд бий гэдэг нь тодорхой. Магадгүй энэ байдал тэднийг илүү харгис хэрцгий, амьд үлдэхийн тулд тэд юу ч хийхээс буцахгүй байдалд оруулсан байх.  Эрдэмтэд Ангарагийг сөнөсөн гараг гэж үздэг. Магадгүй энэ гарагийн оршин суугчдад амьдрахад бүр л хүнд болсон байх.  

Сонгодог зохиол