Зөвхөн жинхэнэ хүмүүст л аугаа их итгэл найдвар байдаг. Пип гэгч бяцхан хүү оргож яваа хоригдолд айснаасаа болоод тусална. Хожим тэр хүүг нэгэн буянтан нууцаар ивээн тэтгэж Лондонд сурах, амьдрах бүх зардлыг нь илгээнэ. Пип өөрийн нууц халамжлагчаа баян хатагтай Хавишмийг гэж бодно. Гэвч сүүлд нь агтны хариу жилдээ гэгчээр өнөөх оргож явсан оргодол тийхнүү тус болоод байсан нь илэрдэг. Тэр хүн Пипийн ачийг насан туршдаа санаж яваа бөгөөд өөрийн бүхий л хөрөнгийг түүнд зориулж байсан ажээ. Түүний сайхан сэтгэл Пипт аугаа их найдварыг бадрааж, энгийн сайхан амьдралын үнэ цэнийг ойлгуулна.  

Аугаа их итгэл найдвар

Энэ номонд орсон 'Цэнхэр цэцэгсийн орон' бичил тууж нь Ф. Бөрнэтийн шилдэг бүтээлүүдийн нэг бөгөөд тэрээр 'Газар дэлхий гайхамшгаар дүүрэн байдаг. Ихэнх хүмүүс энэ тухай огт мэддэггүй нь тэдний зовлон гунигийн шалтгаан болж байдаг. Бидний туурвиж чадах хамгийн энгийн гайхамшиг бол зүрх сэтгэлээ сайхан бодол, энэрэл хайраар дүүргэж, муу муухайд нэвтрэх зай үлдээхгүй байх.' хэмээн дуу алдан бичсэн нь бий. 'Бөгжний эзэн' хэмээх алдарт туульсын цувралын зохиогч Ж. Толкейний 'Азтай Жейлс' зохиолд жирийн нэгэн фермчин эр Жейлст аз тохиож, улс гүрнийг нь донсолгосон хүчирхэг Лууг дарж буй тухай өгүүлнэ. Зальжин сүйхээтэй Жейлс хэдий баатар эр биш боловч баатар эрийн дүр эсгэсээр эцэстээ эзэн ноён болох аж.  

Цэнхэр цэцэгсийн орон, Азтай Жейлс

Андерсений үлгэр-зохиол жирийн нэгэн шидэт адал явдлын тухай өгүүлдэггүй. Хүний амьдралын, ерөөс оршин тогтнохуйн утга учрын тухай гүн гүнзгий бодрол бясалгал, нарийн тансаг мэдрэмжийг хэн ч олж харж, ойлгож мэдэрч болох шидэт үлгэрийг энгийн хэлээр өгүүлсэн байдаг. Ямар үйлийг сайн сайхан үйл хэрэг хэмээдэг болох, түүнийг хэрхэн яаж бүтээж, бий болгож, бас хайрлан хамгаалж болдог утхай, тэр сайн сайхны, ерөөс эгэл амьдралын үнэ цэнийн тухай гардаг.  

Хүүхдийн шилмэл зохиолын эрдэнэсийн сан 108 боть