Үе үеийнхэн өөрийнхөө цаг үеийн түүхээ бүтээж байдаг. БНМАУ-ын гавьяат жүжигчин Лхамжавын Долгор Монголын театрын урлагийн нэгэн цаг үеийн түүхийг бичилцэж явсан тэр дурсамжаа танд хүүрнэн өгүүлэх болно. Энэ номонд Лха.Долгор гуайг өөрийнхөө тухай тэр болгон яриад байдаггүй, харин хамтран ажиллаж, бүтээл туурвил хийж явсан нөхдийнхөө талаар бол ярих хөөрөх дуртай нэгэн болох нь харагдах буйзаа.  

Театрын өндөр ээж

Питер Брукийн 'Хоосон орон зай' хэмээх энэ ном анх хэвлэгдэн гарсан цагаасаа хойш дэлхийн тайз, дэлгэцийн урлагийн зүтгэлтнүүдийн ширээний ном болсоор өдий хүрсэн ажээ. Энэ ном сүүлийн үед манай нийгэм судлаачид, улстөрийнхний дунд яригдах болоод байгаа нийгмийн сэтгэлзүй, нийгмийн сэтгэлгээ хэмээх ухагдахууныг тайзны урлагаар жишээлэн зохиолч-найруулагч-зураач, жүжигчид, үзэгчид гэсэн гурвалжин дээр тал бүрээс нь авч үзсэн байна. П.Брук Шекспирийн зохиол бүтээлийг хэрхэн шинээр үнэлж, шинээр харж тавих вэ хэмээх эрэлт хайлтыг анх манлайлан тодорсон хүн учраас манай тайз, дэлгэцийн уран бүтээлчдэд эргэн харж, эрэгцүүлэн бодох сэжүүр байх болно.  

Хоосон орон зай 

Хаант Орос-ЗСНЖОУ-ЗСБНХУ-ын тайз, дэлгэцийн урлагийн онолч, сэтгэгч, найруулагч В.Э.Мейерхольдын бичсэн өгүүлэл, захидал, хэлсэн үг зэргийг эмхтгэсэн энэхүү бүтээлд тайз, дэлгэцийн урлагийнхан тухайн цаг, үе-нийгмийн сэтгэлзүйг хэрхэн анхаарах, тайз, дэлгэцийн урлагийн цаашдын чиг хандлага ямар байх, тайзны урлагийн бодит илэрхийлэл, нөхцөлт илэрхийлэл, биомеханикийн аргачлал, тайзны урлагийн түүх, найруулга зүй, жүжиглэх урлагийн талаарх өргөн мэдээллийг багтаасан болно. Энэ ном соёл урлаг, нийгэм судлаачид, найруулагчид, жүжигчид, тайз дэлгэцийн урлагийн мэргэжилтэн, багш сурган хүмүүжүүлэгчид, оюутан сурагчдын гарын авлага болно.  

Урлагийн номын сан