Ха нэгтээ тохиолдож болох жихүүдэс хүрэм үйл явдлын өрнөл дунд жаахан саатаад авбал ямар вэ? Магадгүй та эндээс өөрт хэрэг болохуйц, өөрийнхөө эрэлхийлж явдаг 'нэг зүйлийг' олж авах ч юм билүү. Учир шалтгаан, айдас, үхэгсэдийн орших өөр нэг ертөнц, шөнийн цагаар босч алхдаг жижигхэн хүүхэлдэй, нэгэн аварга том хулгана бас Цэнгэлийн сүнс энэ номонд байгаа. Таныг зугаацуулах, айлгах, магадгүй заримынх нь хар дарсан зүүдэнд орж мэдэх нэгэн шинэ ном таны өмнө байна. Бодит орчноос хэсэг зуур ч гэсэн тасарч айдас, адал явдлын ертөнцөөр аялаарай. Энэ номонд зохиогчийн Зоорь, Эцсийн хөрөг, Үл мэдэх газраас, Галаа, Хүүхэлдэй гэсэн 5 өгүүллэг багтсан байна.  

Зоорь II

The Dark Books цувралын энэ удаагийн номонд 'Харанхуй сургууль', 'Сүүлчийн аялал', 'Худаг' гэсэн 3 зохиол багтана. Харанхуй шөнө дунд сургуулийн эзэнгүй анги танхимуудад хэн хоцордог, тэнд юу болдог вэ? Бусдыг санаанд оромгүй аргаар үхэл рүү чирэх 'аймшигт зүйл'-ийн эсрэг гол дүрийн баатрууд хэрхэн тэмцэх вэ? гэдгийг та 'Харанхуй сургууль' зохиолоос харах болно. Айдас хаанаас ирэх вэ? Эзгүй хээр газар тааралдах ганц байшин, муу ёрын толиноос биш бүр алсаас, сансрын гүнээс ирвэл яах вэ? Төсөөлж, ойлгож чадахгүй ямар нэгэн зүйл хүн төрөлхтөнд бодитоор заналхийлэхэд бид хаа хүртэл тэсэх вэ? Та энэ асуултын хариуг 'Сүүлчийн аялал' зохиолоос хайгаарай. Эндээс та ямар нэгэн сүнстэй биш харин огт өөр амсхийх завгүй үргэлжлэх адал явдалтай учрах болно. Энэ бүхний эцэст та гэр хорооллын нэгэн гудамжны төгсгөлд байх 'Худаг' дээр явж очно. Шөнө дунд гэв гэнэт бүх зүйл нам жим болж ноход хүртэл хуцахаа больдог тэр нэгэн мөчид тэрэг түрсэн хэн нэгэн худгийн зүг алхаж явааг та сонсоно. Гол дүрийн баатрын хамтаар түүний араас дагаж үйл явдлын учир шалтгаан, өнгөрөн одсон аймшигт нууцыг сөхөөрэй.  

Ши 

Айдсын мэдрэмжийг амсаагүй, айж түгшиж үзээгүй хүн байдаггүй гэдэг. Айдас хаа сайгүй бий. Мэдэхгүй зүйл бүхэн араасаа айдас дагуулж байдаг болохоор хүн гэдэг бүхнийг мэддэг болтлоо айдсаас зугтаж чадахгүй. Хүмүүс хэрвээ бүхнийг мэддэгсэн бол түүнд айдас гэж үгүй байх байсан нь дамжиггүй. Даанч бүхнийг мэднэ гэдэг бүтэшгүй хэрэг болохоор айдсаас зугтах биш түүнтэй нөхөрлөх гээд үзэгтүн. Ингээд таныг мэдэхгүйн дунд тэнүүчилсэн айдсын ертөнцийн босгоор алхуулан оруулъя. Эцэст нь амар амгаланг хүсье! Энэ номонд зохиогчийн Хөргөгч, Сүүлчийн хүч, Зоорь, Шуургатай шөнө, Хорсол, Алиалагч, Цогцос чангаагч, Хар цэцэг, Мессеж, Цахилгаан шат гэсэн 10 өгүүллэг багтсан байна.  

Шулмын инээд

Таны гарт очиж буй энэ ХАР НОМ-д таны таамаглаж байгаачлан сүнс, чөтгөр, нүдэнд үл үзэгдэх хэрнээ хажууд байгаа нь мэдрэгдэх хэн нэгэн, хар дарсан зүүдний бодит биелэл, толинд харахад өөдөөс хардаг танихгүй сүүдэр гээд цөм бий. Та энэ бүхний хаалгыг татаж, нэвтрэн орогтун. Тэгээд айдсыг ханатал амтал, танихгүй ертөнцтэйгөө танилц. Энэ цувралд зохиогчийн Савлуур, Үхмэл тосгон, Хар дэвтэр, Өнчин мод, Хар гар гэсэн 5 өгүүллэг багтсан байна.  

Хар ном

-Чи надад тус болооч. -Яаж тэр вэ?&nbsp; -Ийшээ надтай хамт ороодох нь уу. &nbsp;Охин чамайг дуудаад, тэгээд бүр хөдөлдөггүй.&nbsp; Би сонссондоо эргэлзэх ч шиг. Тэгээд юу гэж хариулахаа ч мэдсэнгүй.&nbsp; "Харанхуй шөнө болохоор л айлыэн хаалгыг тогшдог ямар гээчийн хөрш вэ. Охин чамайг дуудаад.. гэнэ. Нөгөө өчигдөр шөнийн хүүхэн юм болов уу. Мэдээж тэр хүүхэн энэ хөгшний хүүхэд байж таарна. &nbsp;Гэхдээ яахаараа ингээд хөгшин эхээрээ намайг дуудуулдаг байна аа..." гэсэн хачирхсан, басхүү жийрхсэн бодол төрнө. Юу хэлэхээ мэдэхгүй бас хаалганаасаа холдож чадахгүй зогссоор...

Монголын анхны цуврал аймшгийн зохиолууд. Анх 2006 оноос эхлэн гарсан адал явдалт аймшгийн зохиолууд эдүгээ 7 дахь дэвтэр нь уншигчдын хүртээл болж байна. Энэхүү ном дотроо 5 зохилоос бүрдэнэ. Байрны найз, Өвөө, Реалтор, Есөн хуруу, Чөтгөр гэсэн таван зохиолоос бүрдэх уг ном адал явдал, аймшгийн төрөлд хамаарна.

Гал

Аймшгийн цуврал зохиолуудын 5 дахь ном болох 'Үйлийн хайч' эхний хуудсаа таны өмнө дэлгэлээ. Одоо таныг айдас, адал явдал хосолсон Үсчин, Хажуу өрөө, Шившлэг, Тэр юм, Эвдэрхий цаг гэсэн таван зохиол хүлээж байна. Та эдгээр зохиолуудаас айдас, учир шалтгаан, үйл явдлын санаанд оромгүй эргэлтүүдээс гадна магадгүй өөрийнхөө эрэлхийлж байдаг хараахан таньж амжаагүй зүйлээ ч олж авч мэднэ. Айдсыг мэдрэх нь амьдралд хайртай байгаагийн шинж юм. Тэрхүү хайрлаж хамгаалмаар амь, амьдралын үнэ цэнийг улам илүү өндөрт өргөх 'Айдсын ертөнц' дэндүү амттай. Танд таалагдана гэдэгт найдаж байна.  