Энэхүү ном нь компанийн удирдлага болон бизнес эрхлэгчдад зориулан шилдэг ажилтныг татах, тэднийг тогтвортой ажиллуулах үндсэн ойлголтуудыг тайлбарлах болно. Аливаа байгууллагын оршин тогтнох үндэс нь чадварлаг ажилтныг хайж олох, тогтоон барих явдал юм. Өнөө цагт байгууллагын өрсөлдөх чадвар материаллаг болон санхүүгийн нөөц гэхээс илүү хүний нөөцөөс хамааралтай болж байна. Байшин барилга, тоног төхөөрөмж, хангамжийн материал, технологи гэх мэт зүйлсийг худалдаж авахад хялбар ч, хүний авьяас, ур чадвар буюу мэдлэгт суурилсан хөрөнгийг өөрийн болгоход төвөгтэй.   Хүн ажилд авах нь менежер хүний хувьд маш чухал шийдвэр байдаг. Тэгвэл энэ үйл явцын талаар энэ номд өгүүлнэ. Зөв хүнээ, тохирсон ажлын байранд томилоогүй газрын үр бүтээл, ажлын гүйцэтгэл доголддог. Харин зөв ажилтныг тохирох ажлын байранд томилох үед хэлтэс, алба болоод компанийн ажлын гүйцэтгэл бүхэлдээ сайжирна. Буруу хүн сонгосны хор уршгийг засаж залруулах амаргүй, бас өндөр зардалтай.  

Шилдэг хүмүүсийг ажилд авах, тогтвортой ажиллуулах нь

Бусад хүмүүсийн хүчийг ашиглан үр дүн бүтээхэд менежментийн мөн чанар оршдог. Хүний нөөцийн хүч чадлаа бүрэн дүүрэн ашиглаж сураагүй менежерүүдийн өсөж дэвших зам хаалттай байх жамтай. Тэгвэл **Гүйцэтгэлийн удирдлагын** тусламжтай та ажилтнуудынхаа үр бүтээмжийг нэмэгдүүлэх боломжтой юм. Тэдний бүтээмж нэмэгдэхийн хэрээр таны ажил хөнгөрч, таны амжилт урагшилна. Энэ номонд Ойлгомжтой, тодорхой зорилго тавих, Ажилтныг урамшуулж сэдэлжүүлэх, Гүйцэтгэлийн албан ёсны үнэлгээнд бэлтгэх, Хүнтэй холбоотой асуудлыг тухай бүр шийдвэрлэж байх зэрэг сэдвүүд багтжээ.  

Гүйцэтгэлийн удирдлага

Багийн хүчийг нээж ашиглаж чадсан байгууллагууд итгэмээргүй амжилтад хүрч байна. Үүнд удирдагчдын нөлөө их бий. Та баг удирдахад бэлэн үү? Ямар баг амжилтад хүрдгийг та мэдэх үү? Багийн спонсор, ахлагч, гишүүн гээд ямар ч байр сууринаас багт үр бүтээлтэй зөв ажиллах зөвлөмжүүдийг энэ ном танд хүргэх байна. Уг номонд багтай холбоотой багийн онцлог шинжүүд, багаар ажиллах чадвар, багийн ажлын гарааг зөв тавьж өгөх, баг доторх зөрчлийг шийдвэрлэх, харилцан хамаарлыг дэмжих, багийн гишүүдийн харилцаа, мэдээлэл солилцоог идэвхжүүлэх зэрэг сэдвүүд багтсан болно.  

Багийн удирдлага

Менежер хүнд заавал байх ёстой нэг багаж бол өөрчлөлтийг удирдах ухаан юм. 1980-аад онд дэлхийн тэргүүний компаниудын хүрээнд анх гарч ирснээсээ хойш өнөөдрийг хүртэл бизнесийн ертөнцөд өрнөсөн бүхий л хувьсгалын ард өөрчлөлтийн менежмент явж иржээ. Мэдээллийн шинэ систем нэвтрүүлэх, бизнес процессуудаа өөрчлөх, бүтцээ дахин зохион байгуулах, хэрэглэгчийн үйлчилгээний түвшинг дээшлүүлэх зэрэг нь өнөө цагийн бизнесийн байгууллагуудын туулж буй олон арван өөрчлөлтийн цөөн хэдэн жишээ юм. Энэхүү номд байгууллагын өөрчлөлттэй холбоотой байгууллага дахь өөрчлөлтийн хэрэгцээ шаардлагыг олж харах, өөрчлөлтийг хэрэгжүүлэх төрөл бүрийн хандлага, арга барилууд, бүтцийн өөрчлөлтийн үед хэрхэн бэлтгэвэл зохих, цомхотголын үе дэх сэтгэл хөдлөлд хэрхэн зохистой хариу үйлдэл үзүүлэх, дасан зохицох үйл явцад нь хүмүүсээ хэрхэн тусалж дэмжих, өөрчлөлтийн хүчээр өрсөлдөх чадвараа хадгалах нь зэрэг сэдвүүд багтжээ.  

Өөрчлөлт, шилжилтийг удирдах нь

<p>Шийдвэр. Бизнес бол ээлж дараалан урсах шийдвэрүүдийн гинжин хэлхээ. Энэхүү гинжин хэлхээг хэрэгжүүлэлт болон бусад үйл ажиллагаа холбож байдаг. Байгууллага хаашаа чиглэн хэр хурдтай урагшлахыг шийдсэний дараа бусад нь үүний араас хөвөрдөг жамтай. Нэгэнт шийдвэр ийм чухал учраас аливааг тогтмол оновчтой шийдэж чаддаг байгууллаг л амжилтанд хүрдэг. Apple компани iPod тоглуулагч гаргаж дижитал хөгжмийн бизнес рүү орсон нь ухаалаг алхам байсан. Тэд энэ шийдвэрээ сайн хэрэгжүүлсний ачаар бизнес нь цэцэглэн хөгжиж хувьцаа нь од харвах мэт өссөн билээ...</p>

Harvard Business Essentials