Д.Тангад бол 1976-2003 онд ШУА-ийн түүхийн хүрээлэнд ажиллаж байсан ба үүний зэрэгцээ 1990-2009 онд хувиараа угсаатны зүйн судалгаагаа өргөжүүлсэн, 2010 оноос СУИС-ийн Соёл иргэншлийн сургуульд монголын угсаатны зүйн багшаар ажиллахын сацуу, Польшийн Варшавын их сургуулийн Угсаатны зүйн тэнхимийн эрдэмтэн багш нартай хээрийн судалгаагаа хийсээр байгаа манай ахмад үеийн цөөхөн, яах аргагүй гарын таван хуруунд багтан тоологдох судлаачдын нэг юм. Тэрээр монголчуудын угсаатны зүйн судалгааны хэд хэдэн багц сэдэв асуудлыг олон жил хичээнгүйлэн судалж туурвисан бүтээлээ нэхэн нягталж, уншигч түмэндээ өргөн толилуулж байна. Эл бүтээлээс та Монголын олон ястны дотроос Халх, Хамниган, өрнөд монголын дөрвөд, торгууд болон бусад ястны амь зуулга, аж төрөхүйн уламжлал, хувьсал, эдүгээгийн байдлыг тэдний ан гөрөө, ав хомрого, мэдлэг ухаан, итгэл бишрэл, арга дом, ажил үйлд сууррилан судлаж хэн хүнийг ухаж ойлгоход дөт гаргалгаа, дүгнэлт хийснийг үзэж болно.  

Монголын угсаатны зүйн судалгаа

Д.Тангад бол 1976-2003 онд ШУА-ийн түүхийн хүрээлэнд ажиллаж байсан ба үүний зэрэгцээ 1990-2009 онд хувиараа угсаатны зүйн судалгаагаа өргөжүүлсэн, 2010 оноос СУИС-ийн Соёл иргэншлийн сургуульд монголын угсаатны зүйн багшаар ажиллахын сацуу, Польшийн Варшавын их сургуулийн Угсаатны зүйн тэнхимийн эрдэмтэн багш нартай хээрийн судалгаагаа хийсээр байгаа манай ахмад үеийн цөөхөн, яах аргагүй гарын таван хуруунд багтан тоологдох судлаачдын нэг юм. Энэ удаад Д.Тангад олон арван жилийн турш монголчуудынхаа дунд аялж, шижирлэн цуглуулсан хээрийн шинжилгээний бүх эх хэрэглэгдэхүүнээ тайлан хэлбэрээр гурван дэвтрээ хэвлүүлж уншигч, судлаач нартаа өргөн барьж байна. Түүний цуглуулсан арвин эх хэрэглэгдэхүүнийг Монголчууд, тэдгээрийн нүүдлийн соёл иргэншлийн уламжлалт амьдралын тогтолцооны нарны цацраг мэт олон өнцгийг хамарсан нэг ёсны 'цогц мэдээллийн сан' хэмээн үзэхэд нэг их ташаарал болохгүй биз ээ.  