Беатрис охины амьдардаг Чикаго хотын иргэд таван бүлэгт хуваагдах бөгөөд бүлэг тус бүр өөрийн гэсэн онцлог зан чанартай. Эдгээр бүлэг нь Золиослол (амь бие хайргүй), Үнэнч (үнэнч шударга), Мэдлэг (ухаантай), Нөхөрсөг (тайван), Эр зориг (зоригтой) нар болно. Жил бүрийн тодорхой нэг өдөр бүх арван зургаан настнууд насан туршийн амьдралаа зориулах бүлгээ сонгох ёстой. Харин Беатрисын сонголт бол өөрөөрөө байх, гэр бүлийнхэнтэйгээ үлдэх гэсэн сонгох боломжгүй зүйлс. Иймээс тэр бүгдийг, бүр өөрийгөө ч гайхшруулсан сонголт хийнэ. Үүний дараах маш өрсөлдөөнтэй элсэлтийн үеэр Беатрис өөрийгөө Трис хэмээн шинээр нэрлэж, хэн хэн түүний найз нөхөд болохыг тодорхойлох гэж тэмцэж, өөрийнх нь сонгосон амьдралд орж ирсэн, заримдаа гайхан биширмээр хэр нь заримдаа цухал төрүүлэм залуутай дурлалцана. Түүнээс гадна түүнд өөрийн гэсэн нууц бий. Энэхүү нууцаа задруулбаас өөрийг нь үхэлд ч хүргэх аюултай гэсэн анхааруулга авчээ. Мөн тэрбээр өөрийнх нь өөлөх зүйлгүй харагддаг нийгмийнх нь үнэн төрхийг харуулах өсөн нэмэгдэж буй тэмцлийг олж мэднэ. Улмаар өөрийнх нь нууц түүнийг, түүний хайртай хүмүүсийг хамгаалахад туслах...эсвэл бүрмөсөн үгүй хийж болохыг ойлгоно. Энэхүү сэтгэл хөдөлгөм шийдвэр, зүрх шимшрэм урвалт, гайхаж цочирдом үр дагавар, санаанд оромгүй хайр дурлалын түүхээр дүүрэн Divergent цувралын тэргүүн боть-анхны номоороо Вероника Рот утга зохиолын ертөнцөд дуулиан тарьсан юм

Хосолмол

“Дагалдагч” номыг америк зохиолч Вероника Рот залуу уншигчдад зориулж 2013 онд бичжээ. Энэ ном, зохиолчийн “Хосолмол” нэрээр гарсан цувралын төгсгөл боть юм. Өмнөх ботиудаас ялгаатай нь “Дагалдагч”-ийг хоёр гол дүр буюу Трис, Тобиас нар сөөлжилж хүүрнэнэ. Энэ номд, дүрүүд өмнөх ботид задарсан зохиолын гол ээдрээг цааш улам бүр лавшруулж, хотын хилийн чанагших нууцлаг ертөнцийг олж нээнэ.  Трис Приорын нэгэн цагт итгэж найдаж явсан бүлэглэлүүдэд үндэслэсэн нийгэм одоо хүчирхийлэл, эрх мэдлийн төлөөх тэмцлийн улмаас задран унаж, хагацал, урвалтын толбонд хиртжээ. Хил хязгаарын цаадах ертөнцөд нэвтрэх боломж өмнө нь гарч ирмэгц Трис татгалзсангүй. Учир нь тэрээр энэ ертөнцийн тухайд зах зухаас нь мэдэх билээ. Хориг, торон хашааны цаана Трис, Тобиас хоёр ярвигтай хууран мэхлэлт, учир утгагүй амлалт, шаналалт дурсамжаас ангид илүү эгэлхэн шинэ амьдрал эхлүүлэх ч юм бил үү.      Гэвч Трисийн шинээр хөл тавьсан ертөнц ардаа орхисон хуучин амьдралаас нь ч илүү түгшүүртэй ажээ. Өмнөх мэдлэг нь даруй утга учраа гээж, шинээр олж мэдсэн үнэн бодит түүх хайрлаж явсан хүмүүсийнх нь сэтгэлд сэв суулгав. Эр зориг, нөхөрлөл, золиослол, хайр дурлалын хэцүүхэн сонголттой нүүр тулсан Трис өөрийн хийгээд хүн төрөлхтний нарийн ээдрээтэй мөн чанарыг дахин нэгэнтээ ойлгож ухаарах хэрэгтэй болов.      'Нью Йорк Таймс' сонины бестселлер зохиолч Вероника Рот, Дагалдагч номоо үйл явдлыг өөр өөрийн өнцгөөс өгүүлэх хоёр хүүрнэгчээр дамжуулж уншигчид хүргэжээ. Энэхүү боть 'Хосолмол' цувралын өмнөх 'Хосолмол', 'Босогч' ботиудыг уншсан сая сая уншигчийн сайн мэдэх сүйрлийн ертөнцийн нууцыг илчилж, цувралыг гайхалтай эрч хүч дүүрэн төгсгөнө.  

Дагалдагч

Нью-Йорк Таймсын бестселлер номын зохиолч Вероника Ротын ХОСОЛМОЛ цувралын хамгийн их хүлээгдсэн ном болох хоёрдугаар ном ахин сэтгэл хөдлөм баярын түүх, хүнд шалгуур, зүрх зүсэм явдал, хайр дурлал, хүний мөн чанарын тухай ойлголтоор дүүрэн билээ. Энэ удаа зөөлөн хавтастайгаар хэвлэгдэн гарч байна. Ганцхан сонголт чамайг өөрчилж эсвэл устгах хүчтэй. Гэвч сонголт бүр өөрийн үр дагавартай бөгөөд эргэн тойрон явагдах бүлгүүдийн хоорондох үймээн тэмцэлд Трис Приор хайртай зүйлээ аврахын төлөө тэмцэж буй гашуудал, өршөөл, үнэнч сэтгэл, улс төр, хайр дурлалтай учирна. Трисийн төгсөх ёслолын өдөр түүний сонгосон бүлэгтээ байгуулсан ялалтын өдөр байсан ч өгүүлэхийн аргагүй аймшгаар дуусна. Одоо дайн өрнөж бүлгүүдийн хоорондох зөрчил тэмцэл хурцдан, үзэл суртлын асуудал өсчээ. Дайны үед аль талд орохоо сонгох, нууцыг илчлэх гээд хийх сонголт эргэлт буцалтгүй улам хүчтэй болжээ. Уй гашуудал, гэмшилд автан эрс шинэ нээлт, холбоотон өөрчлөх хувийн шийдвэрийн мөч ирлээ. Трис юу алдаж буйгаа мэдэхгүй ч гэсэн Хосолмолоо бүрэн хүлээн авна.

Босогч

Нью-Йорк Таймсын бестселлер номын зохиолч Вероника Ротын ХОСОЛМОЛ цувралын хамгийн их хүлээгдсэн ном болох хоёрдугаар ном ахин сэтгэл хөдлөм баярын хөөр, хүнд сорилт, зүрх зүсэм өрнөл, хайр дурлал, хүний мөн чанарын тухай өгүүлэх болно.  Ганцхан сонголт чамайг өөрчилж эсвэл устгах хүчтэй. Гэвч сонголт бүр өөрийн үр дагавартай бөгөөд эргэн тойрон явагдах бүлгүүдийн хоорондох үймээн тэмцэлд Трис Приор хайртай зүйлээ аврахын төлөө тэмцэж буй гашуудал, өршөөл, үнэнч сэтгэл, улс төр, хайр дурлалтай учирна.   Трисийн төгсөх ёслолын өдөр түүний сонгосон бүлэгтээ байгуулсан ялалтын өдөр байсан ч өгүүлэхийн аргагүй аймшгаар дуусна. Одоо дайн өрнөж бүлгүүдийн хоорондох зөрчил тэмцэл хурцдан, үзэл суртлын асуудал өсчээ. Дайны үед аль талд орохоо сонгох, нууцыг илчлэх гээд хийх сонголт эргэлт буцалтгүй улам хүчтэй болжээ. Уй гашуудал, гэмшилд автан эрс шинэ нээлт, холбоотон өөрчлөх хувийн шийдвэрийн мөч ирлээ. Трис юу алдаж буйгаа мэдэхгүй ч гэсэн Хосолмолоо бүрэн хүлээн авна.    

“Дагалдагч” номыг америк зохиолч Вероника Рот залуу уншигчдад зориулж 2013 онд бичжээ. Энэ ном, зохиолчийн “Хосолмол” нэрээр гарсан цувралын төгсгөл боть юм. Өмнөх ботиудаас ялгаатай нь “Дагалдагч”-ийг хоёр гол дүр буюу Трис, Тобиас нар сөөлжилж хүүрнэнэ. Энэ номд, дүрүүд өмнөх ботид задарсан зохиолын гол ээдрээг цааш улам бүр лавшруулж, хотын хилийн чанагших нууцлаг ертөнцийг олж нээнэ. Трис Приорын нэгэн цагт итгэж найдаж явсан бүлэглэлүүдэд үндэслэсэн нийгэм одоо хүчирхийлэл, эрх мэдлийн төлөөх тэмцлийн улмаас задран унаж, хагацал, урвалтын толбонд хиртжээ. Хил хязгаарын цаадах ертөнцөд нэвтрэх боломж өмнө нь гарч ирмэгц Трис татгалзсангүй. Учир нь тэрээр энэ ертөнцийн тухайд зах зухаас нь мэдэх билээ. Хориг, торон хашааны цаана Трис, Тобиас хоёр ярвигтай хууран мэхлэлт, учир утгагүй амлалт, шаналалт дурсамжаас ангид илүү эгэлхэн шинэ амьдрал эхлүүлэх ч юм бил үү. Гэвч Трисийн шинээр хөл тавьсан ертөнц ардаа орхисон хуучин амьдралаас нь ч илүү түгшүүртэй ажээ. Өмнөх мэдлэг нь даруй утга учраа гээж, шинээр олж мэдсэн үнэн бодит түүх хайрлаж явсан хүмүүсийнх нь сэтгэлд сэв суулгав. Эр зориг, нөхөрлөл, золиослол, хайр дурлалын хэцүүхэн сонголттой нүүр тулсан Трис өөрийн хийгээд хүн төрөлхтний нарийн ээдрээтэй мөн чанарыг дахин нэгэнтээ ойлгож ухаарах хэрэгтэй болов. 'Нью Йорк Таймс' сонины бестселлер зохиолч Вероника Рот, Дагалдагч номоо үйл явдлыг өөр өөрийн өнцгөөс өгүүлэх хоёр хүүрнэгчээр дамжуулж уншигчид хүргэжээ. Энэхүү боть 'Хосолмол' цувралын өмнөх 'Хосолмол', 'Босогч' ботиудыг уншсан сая сая уншигчийн сайн мэдэх сүйрлийн ертөнцийн нууцыг илчилж, цувралыг гайхалтай эрч хүч дүүрэн төгсгөнө.