Орчин үед илүү өндөр болон хүнд, ачаалал ихтэй барилгуудыг инженер-геологийн төвөгтэй нөхцөлд барих асуудлыг шийдвэрлэх болжээ. Энэ нь барилгын буурийн тооцоонд тавих шаардлагыг өндөржүүлж, хөрсний хүчдэл, хэв гажилтын хоорондын шулуун биш хамаарлыг ашиглаж хэв гажилтыг тооцох, хөрсний онцлог шинж чанарыг нарийвчлан судалж тооцоонд оруулах, тооцооны тоон аргуудыг хэрэглэх, орчин үеийн програмын хэрэгсэлийг өргөн ашиглах зэрэг шаардлага тавигдаж байгаа нь хөрсний механикийн судлах зүйлийн хүрээг өргөтгөж байна. Энэ нөхцөл байдалтай уялдуулан зохиогч энэхүү сурах бичгийг Барилгын инженер-архитетурын сургуулийн барилгын инженерийн мэргэжлийн ангийн оюутнуудын ASC212 'Хөрсний механик' хичээлийн хөтөлбөрт тохируулан боловсруулсан байна.  

Хөрсний механик

Барилгын буурь, суурь сурах бичиг нь хөрсний механикийн онолын хэрэглээг тодорхойлсон үргэлжлэл болох бөгөөд янз бүрийн хөрсний нөхцөлд суурийн төсөл зохиож, барилга барих технологийн асуудлыг судлана. Өөрөөр хэлбэл хөрсний нөхцөлөөс хамааран суурийн төрлийг сонгох, хөрсийг сайжруулах, сонгосон суурийн бүтээцийг тооцоолж төсөллөх, суурь болон газар доорхи бүтээцийг гүйцэтгэх технологийг боловсруулж хэрэгжүүлэх асуудлуудыг хамааруулан судлана. Буурь, суурийг судлах явцад оюутнаас инженерийн геологи, хөрсний механик, барилгын механик, барилгын конструкци, барилгын үйлдвэрлэлийн технологи зэрэг салбар шинжлэх ухаантай танилцсан, энэ талын сайн мэдлэгтэй байхыг шаарддаг.  

Барилга байгууламжийн буурь, суурь

Геологийн шинжлэх ухаанд инженерийн үйл ажиллагаа явуулахад зориулсан газрын судалгаа явуулах чиглэлийг инженерийн геологи (engineering geology) гэж нэрлэдэг. Инженерийн геологийн салбар нь XIX, XX зууны заагаар үйлдвэрлэл барилга, уул уурхайн байгууламжийн бүтээн байгуулалттай уялдан гарч ирэх болсон. Тухайлбал аливаа барилга, байгууламжийг барих, төлөвлөх газрын геологийн нөхцөлд үнэлгээ өгөх, ашигт малтмалын ордыг нээн илрүүлэх ашиглах үйлдвэрлэлийн нөхцлийг үнэлэх зэрэг юм. 'Инженерийн геологи' хэмээх энэхүү сурах бичиг нь барилгын мэргэжлийн ангийн оюутнуудад зориулагдсан бөгөөд Дэлхийн бүтэц ба Геологийн он тоолол, Эрдэс судлал, тэдгээрийн гарал үүсэл, Геоморфологи, Газрын доорхи ус, Газар хөдлөх үзэгдэл, Хөрс судлал, Геодинамик, Чулуугийн хөдөлгөөн, Инженер геологийн судалгаа зэрэг үндсэн бүлгүүдээс бүрдэнэ.  

Геотехник