Хүүхдийн оюун сэтгэлгээ, хэл яриаг хөгжүүлж байдаг хүчин зүйлсийн нэг нь шүлэг юм.  Хүүхдэд зориулж бичигдсэн шүлгүүд нь байгалийн юмс, үзэгдэл, амьдралын тухай олон талаас илэрхийлж, танин мэдэхүйн шинэ мэдлэг, мэдээлэл ойлголтыг өгч байдаг чухал хэрэгсэл.  Иймээс ч хүүхдийн шүлгийн нөлеөлөл, ач холбогдол үлэмж их билээ. Хүүхдэд зориулсан шүлгийг багачуудын нүдээр төсөөлөн харж, тэдний бодлоор дүрсэлж, сэтгэхүйгээр сэтгэж, үг хэллэгэд нь нийцүүлэн бичих нь тэдэнд тухайн шүлгийн агуулга, бадгийн утга санаа сэтгэл оюунд нь илүү ойр бууж байдаг.  Хүүхдүүд нас ахих тусмаа аливаа юмс, үзэгдлийг өөрсдийнхөө ойлголт, төсөөллөөр ухаарч, тэдгээрий,-эргэцүүлэн бодож, харьцуулах, тунгаан мэдэх хүсэл, сонирхомж, сэтгэлгээний чадамж нь аажмаар өсч дэвждэг.  Өдгөө хүүхдийн сэдэвтэй шүлгүүд нь заримдаа өгүүлэмж, зохиомж, бичлэгийн ур чадвар, чанарын шаардлага хангахгүй байх нь олонтаа тааралдана.  Хүүхдийн сэдэзтэй шүлэг нь яруу сайхан хэллэг, уран тансаг өгүүлэмж, бичлэгтэй байх нь зүйн хэрэг.  Хүүхдэд зориулсан шүлэг нь бичиглэх сэдвийнхээ агуулгыг өнгөц дурдах бус багачуудад ойлгогдохоор, тэдний мэддэг юмыг нүд, сэтгэл, бодолд нь буухаар олон талаас нь тодорхойлон, уран сайхнаар өгүүлэмжтэй илэрхийлэн бичигдэж байх учиртай.  

Хайрхан ба рашаан

С.Богд-Очирын 'Байгалийн ертөнц' ном нь хүүхэд, багачуудад экологийн боловсрол олгох үйлсэд тодорхой хувь нэмрээ оруулна гэдэгт итгэлтэй байна. Энэ номонд орсон шүлгүүд нь эх орныхоо байгалийн тухай танин мэдэхүйн олон талын мэдлэг, мэдээллийг агуулснаараа их сонирхолтой шинэлэг бүтээл болжээ.  _**ИХ ГАЗРЫН ЧУЛУУНЫ УУЛ**      Сүүмэлзэн, сүүмэлзэн холоос үзэгдэх   Сүрлэг цохион чулуун уулс   Сүүгээ дээжлэн өргөн залбирдаг   Миний ээжийн сахиус хайрхан      Сүүтэлзэн, сүүтэлзэн алсаас харагдах   Суварга хавцал хадан уул   Сүлдлэн дээдлэн эрхэмлэн шүтдэг   Миний аавын шүтээн хайрхан      Өндөлзөн, өндөлзөн тэртээд цэнхэртэх   Өндөр сүмбэр боржин уул   Өвөг дээдсээсээ уламжлан дээдэлдэг   Миний нутгийн тахилгат хайрхан_  

Байгалийн ертөнц

Сүүлийн үед байгалийн сэдэвтэй олон ном, бүтээл ялангуяа байгалийн сэдэвтэй хүүхдэд зориулсан шүлгийн цуврал номууд хэвлэгдэн гарч байгаа нь тун сайшаалтай.  С.Богд-Очирын бичсэн 'Амьтад ба шувууд', Хайрхан ба рашаан', 'Ургамал ба модод' шүлгийн ном хэвлэгдэн гарчээ.Энэ удаад түүний 'Байгалийн ертөнц II' хүүхдийн шүлгийн ном хэвлэгдэн гарч, бяцхан уншигчдын гар дээр очиж байна.Энэхүү номонд орсон шүлгүүд нь эх орныхоо байгалийн тухай танин мэдэхүйн олон талын мэдлэг, мэдээллийг агуулснаараа их сонирхолтой шинэлэг бүтээл болжээ.  'Байгалийн ертенц-1, 2' ном нь хүүхэд, багачуудад экологийн боловсрол олгох үйлсэд тодорхой хувь нэмрээ оруулна гэдэг би эргэлзэхгүй байна.  

Хүүхдийн шүлгийн дээжис