Монгол бичиг болвоос монгол хүний ухаан сэтгэлгээ , ахуй амьдрал , түүхийг шингээн олон зууны туршид төгөлдөржин ирсэн Монголчууд бидний нэгэн аугаа бүтээл билээ. Бидний өвөг дээдсээс уламжилж ирсэн монгол үндэстний оюуны өв, соёл болсон босоо Монгол бичгийг Монгол хүнд нь сургаж, гээгдэж буй монгол бичгээ сэргээн хөгжүүлэх зорилготой Үндэсний гайхамшигт өв болсон 'Сургаалын зохиол'-ыг эмхтгэн цуврал болгон хэвлүүлэхээс гадна энэ удаа 'Монгол бичиг дөхөм сурах ном- ыг зохион, Монгол хүн танд өргөн барьж байгаадаа, мөн Монголчууд бидний хувьд монгол бичиг сурах нь монгол хүн болж төрсний хувьд зайлшгүй эзэмших учиртай эрдэм ухаан бөгөөд эх хэл соёлоо төгс эзэмшсэн дэлхийд эрхэмсэг орших иргэн, мөн монгол төрийн албан хаагч, хүүхэд залуучуудын монгол бичгийн чадварыг дээшлүүлэх энэ эрхэм үйлсэд бага ч болов хувь нэмэр оруулж байна.  Иймийн учир дэлхийд ганц монгол бичгээ эзэмшиж, бичлэгийн болоод гүн ухааны гайхамшгийг мэдэрч, эх түүхээрээ бахархаж, зан заншлаа эрхэмлэсэн Монгол хүнийг буй болговоос миний энэ номын, мөн оюун ухаанаа чилээн, бийр цаас нийлүүлэн, бичиг үсэг тэрлэсний минь ач холбогдол оршино.  