Энэ номонд агуулгын хувьд гэрээний эрх зүйн ерөнхий агуулга бүхий хэд хэдэн гэрээний төрлийг хамарсан бөгөөд үүнээс гадна хуулиас үүдэх үүргийн (гэм хорын эрх зүй, бусдын үүргийг даалгаваргүйгээр гүйцэтгэх болон үндэслэлгүй хөрөнгөжих) эрх зүйд холбогдох нилээд хэдэн жишээг агуулсан болно. Бодлогын түвшнийг авч үзвэл дийлэнх нь иргэний эрх зүйн хэрэглээний хичээлд зориулагдсан ба гэрээний эрх зүйн цөөн хэдэн тохиолдол, мөн II хэсэг бүхэлдээ анхан шатны суралцагсдад зориулагдсан. Ингээд нийт 45 тохиолдол, бодолтын хамт, мөн ерөнхий ойлголт бүхий 8 бүдүүвчийг хүргэж байна.  

Иргэний эрх зүйн бодлогын хураамж

Энэхүү бодлогын хураамж нь хууль зүйн их дээд сургуулийн оюутан, суралцагсдад зориулагдсан бөгөөд иргэний эрх зүйн салбарын практик жишээнүүд дээр хуулийн хэм хэмжээг хэрэглэх аргачлалыг хүргэхэд чиглэсэн билээ. Иргэний эрх зүйн бодлогын хураамж номын I дэвтэрт иргэний эрх зүйн ерөнхий анги, өмчийн эрх зүй, үүргийн эрх зүйн шийдвэрлэх асуудлуудыг тусгасан бөгөөд МУИС-ийн ХЗС-ийн эхний хагас жилд явагддаг иргэний эрх зүйн дасгал, хэрэглээний хичээлийн агуулгыг хамарсан 32 тохиолдол, 11 хувилбар бодолтыг хамарсан нийт 43 бодлогыг та бүхэндээ толилуулж байна. Түүнчлэн хуулийн хэм хэмжээг хэрэглэх, ангилж ойлгох үйл явцыг хөнгөвчлөх зорилгоор 13 ерөнхий ойлголт бүхий бүдүүвчийг багтаажээ.  