Эрт урьдын мартагдсан цаг үед, ид шидийн гэмээр нэгэн үйл явдлын улмаас дэлхийн улирлуудын хэм алдагджээ. Зун нь хэдэн арван жилээр үргэлжилж, өвөл нь бүхэл бүтэн амьдралын турш сунайх газар нутагт гай зовлон гарцаагүй тохиолдох учиртай аж. Хүйтэн цаг үе эргэн ирж, Винтерфеллийн умардад, хаант улсын хамгаалалтын хэрмийн гадна хорон санаатнууд зэр зэвсгээ зэхэн, дайн тулаанд бэлдэнэ. Өмнөдөд, хааны итгэлт түшмэл учир үл тайлагдах шалтгаанаар энэ хорвоог орхин одсоноор хаант засаг сүйрэлд орж болзошгүй нөхцөл байдал үүсэхэд, хаан ширээнд шунасан өөдгүй дайснууд нуугдан бүгж байсан харанхуй сүүдрээсаа ил гарч ирэх болов. Төрж өссөн хүйтэн цэвдгийн нутаг орон шигээ нугаршгүй хатан зоригтой, хэрцгий ширүүн Винтерфеллийн Старкийн гэр бүлийнхэн энэхүү зөрчилдөөний төвд өөрсдийн байр сууриа эзлэв. Лорд Эддард Старк одоо хааны баруун гарын түшмэлийн алба үүргийг гүйцэтгэхээр дуртай дургүй дуудагдсан нь түүний гэр бүл төдийгүй хаант улсад ч аюул занал үүсгэх томилгоо болжээ. Цэвдэг хүйтний хатуу ширүүн газар нутгаас, урин дулааны цэнгэл таашаалын вант улс хүртэлх өргөн газар нутгийг хамарсан “Хаан ширээний тоглоом” өөдгүй муу ёр зөгнөсөн цаг үед нэг дор цугласан хаад, хатад, цэргүүд, шидтэнүүд, алуурчид, бутчуудын түүхийг өгүүлнэ. Хүн төрөлхтний ер үл мэдэх металаар хийгдсэн илд сэлмээр зэвсэглэсэн дайчдын нууц бүлэглэл; хүнийг галзуурлын ирмэгт аваачдаг хачин жигтэй зэрлэг өвс бүхий омог аймаг; хаан ширээгээ буцааж авахын тулд дүүгээ худалдахаас сийхгүй хэрцгий луут ханхүү; амьдрал үхэл хоёрын дундын харуй бүрий мөчлөгт төөрч орхисон балчир хүүхэд; өөрт үнэ цэнтэй бүхнээ хамгаалж үлдэхийн тулд хэцүүхэн аялалд гарсан зоримог бүсгүйн тухай энэ зохиол хүүрнэнэ. Хуйвалдаан, сөрөг хуйвалдаан, уй гашуу, урвалт, ялалт, хөнөөлт халдлага, холбоотнууд, дайснууд дунд Старкийн гэр бүлийн хувь тавилан аз туршсан аюул осол дунд тэнцвэрээ хадгалахыг хичээх зуур, тулалдагч тал бүр “хаан ширээний тоглоом” хэмээх үхлийн аюултай зөрчилдөөнд ялж гарахыг хичээн өөр хоорондоо тэмцэлдэнэ. Хамрах хүрээ, бичлэгийн хувьд бусад ямар ч зохиолтой зүйрлэх аргагүй “Хаан ширээний тулаан” цуврал эхний хуудаснаасаа л уншигчийн анхаарлыг татаж, сүүлчийн хуудсыг уншиж дуустал сэтгэлийг нь бүрэн эзэмдэж, уншиж дууссаны дараа цааш үргэлжлүүлэн унших хүсэл төрүүлнэ.

Хаан ширээний тоглоом

Цөвүүн цаг иржээ. Арван жил энх амгалан, элбэг хангалуун үргэлжилсэн зун цагийн төгсгөл ойртож, зэврүүн хүйтэн өвлийн улирал уур хилэнт догшин араатан мэт алгуур дөхсөөр. Арайхийн тогтоосон энх тайвны эрин зуунд хүч нөлөөгөө хадгалсан Лорд Эддард Старк, Роберт Баратеон хэмээх ер бусын хоёр удирдагч хааны ордныхны бусармаг урвалтын хохирогч болж талийн одов. Лууны цохионы эртний хотоос Винтерфеллийн хориот эрэг хүртэл үймээн самуун ноёлж, долоон ханлигийн төмөр хаан ширээнд нүд унагагсад их шуурга, үймээн шуугиан, дайн тэмцлийн дунд энэ л хүслээ гүйцэлдүүлэх гэж боломжийг анан хүлээнэ. Их гамшгийн дохио нь тэнгэрт цахисан цусан өнгөт сүүлт одоор илэрч, тарж бутарсан газар нутгийн төлөө зургаан овог аймаг өөр хоорондоо тэмцэлдлээ. Эддардын хүү Робб өөрийгөө Умардын хаан хэмээн зарлажээ. Угтаа хаан ширээг залгамжлах учиртай Жоеффри харин өмнөдөд Хааны газар нутгийн төлөө үгсэн хуйвалдах ордныхны золиос болж төрийн тамгыг нэр төдий атгаж буй юм санж. Робертын хоёр дүү тус тусдаа газар нутагтай болох арга замыг эрэлхийлэх зуур нэгэнт хүсэмжлэгдэхээ больж сэтгэлээс алдарсан их ордон буцаад булаан эзлэх хүслийг өдөөсөн газар болж хувирлаа. Нэг тивийн цаана цөлөгдсөн луунуудын хатан, өөрт нь зүй ёсоор хамаарах хаан титмээ буцааж авах зорилго өвөрлөн хүмүүсээ дагуулсаар гачлант халуун цөлийг туулав. Хаадын хагарал биднийг өрсөлдөөн, өс хонзон, ид шид, дайн тулааны мартагдсан гайхамшигт газар нутаг тийш хөтөлнө. Энэ бол гоо бүсгүйчүүд галзуу эрчүүдтэй нөхцөж, дүү нь ахынхаа эсрэг үгсэн хуйвалдаж, үхсэн хүн харанхуй шөнөөр босон алхалдаг түүх юм. Энд, хааны гүнж өнчин хүүгийн дүрд хувирч; шадар цэрэг урвагч шидтэнд зориулж хор найруулж; Саран уулнаас зэрлэг хүмүүс бууж ирж хөдөө нутгийг түйвээж буй тухай ч өгүүлнэ. Гэр бүл гишүүд хоорондын бэлгийн харилцаа, ах дүүсийн аллага, алхими, хүчирхийллийн дунд, ялалтын үнэ цэн магадгүй урсгасан цусаар л хэмжигдэх бололтой. Ялалтын үр шимийг ч хамгаас хүйтэн илд, хамгаас хүйтэн сэтгэлтэй эрчүүд бүсгүйчүүд л хүртэх мэт. Хаад хоорондоо хагаралдахад бүхий л газар орон чичиргээнд нь доргино. Эрэлхэг, шинэлэг, ер бусын дүрслэлээр баялаг Хаадын хагарал роман нь угтаа ер бусын гоо үзэсгэлэн, хил хязгааргүй илбэ увдисын тухай бүтээл ажээ. Энэ сэтгэл догдлом түүх таны санаанд үүрд хадагдан үлдэх буй заа.

Хаадын хагарал

Өвөл хаяанд ирж, умардын салхи догшин араатан мэт айсуй. Цусан дайсагнал, үймээн самуунаас болж Долоон хаант улс хэдэн хэсэг хуваагдав. Төмөр хаан ширээний төлөө тэмцэж байсан 5 хүнээс нэг нь хэдийнээ амь үрэгдсэн бол нэг нь хүнд байдалд оржээ. Харин төмөр хаан ширээнд Жоффри Баратеон заларсан бол түүний заналт дайсан, авга ах Станнис Лууны цохионд Төмөр хаан ширээний төлөө ахин нэг дайралт хийхээр сэтгэл шулуудна. Умардын хаанаар өргөмжлөгдсөн Роб Старкийн газар нутаг руу харанхуйн ид шид, зэрлэгүүдийн асар том арми дайрахаар бэлтгэж байлаа. Харин Робб өөрийн тугчдын хамт Риверраныг барьж байсан ч удахгүй... Уйтан тэнгисийн тэртээ Таргарианы Дэйнерис өөрийн хүч чадлыг бэхжүүлнэ. Вестерос даяар Төмөр хаан ширээний уур хилэн хэзээ ч байгаагүйгээр ширүүснэ. Гэвч Хана нурвал ямар ч хаан үлдэж чадахгүй билээ. Илдний шуурга дор Долоон ханлиг балгас болон хувирсан байлаа...

Цус ба алт

Илдний шуурга II

Старкийн овог сарнин бутраад байлаа. Робб Старк Умардын хаан хэвээр боловч өөрийн тугчин лорд Фрейд доор бөхийж гэмээ нь титмээ хамгаалж үлдэх нуман тулгуурт оржээ. Хэдийгээр түүний дүү Аръяа Старк хэрцгий хаан Жоффри болон түүний хатан эх Серсейгийн гараас мултарч эрх чөлөөтэй болсон хэдий ч түүний эгч Санса Старк тэдний олзонд хэвээрээ буй. Харин Бран Старк хойд зүг рүү гурван нүдэт хэрээг хайх эрлээ үргэлжлүүлж байсан бол өөр нэгэн Старк болох Жон зэрлэгүүдийн нутгаас эмтэрсэн зүрх сэтгэлтэйгээр Ханан дээр буцан ирж зэрлэгүүдийн асар том армийн эсрэг зогсох болно. Энэ зуур Уйтан тэнгисийн тэртээ Таргарианы овгийн сүүлчийн өв залгамжлагч, Шуурганаар төрөгч Дэйнерис Долоон ханлиг руу дайрах бэлтгэл болгон боолын худалдааны агуу том хотууд болох Астапор, Юнкайг эзэлжээ...

Төмөр ба цас

Илдний шуурга I

Хэрээнүүд үхсэн хүний цогцос дээр шавааран, нүдийг нь ухахын тулд хоорондоо булаацалдан бие биеэ хөнөөж байлаа. Цусанд дуртай, урвагч, зальтай Ланнистерынхан Төмөр хаан ширээнд хөвүүн хаан Томмены нэрийн өмнөөс эрх мэдлээ тогтооно. Долоон ханлигт дэгдсэн дайн намдсан ч гашуун үр дагаварт нь шинэ мөргөлдөөний оч үсэрлээ. Дорнийн Мартелл, Винтерфеллийн Старкууд амь үрэгдсэн хүмүүсийнхээ өшөөг авахыг хүсэж байв. Хамгаас цуутай хар дээрэмчин Хэрээний нүд Еврон Валириагийн утаа уугьсан балгаснаас Төмөр арлуудад эзэн суухаар иржээ. Умард зүгт Өөрүүд Хананы цаанаас заналхийлж, мэйстер болохоор суралцагч Сэмвэл Тарли Цайзад нууцлаг хүүхэд авчирна.&nbsp;&nbsp;
*********************************************************************&nbsp;&nbsp;
Дүүжлүүрийн модон дээр бүх хүн ах дүүс&nbsp;&nbsp;

Хэрээний найр

Толгойг нь авчирсан хүнд шан харамж амлах ахуйд Тирион Ланнистер, Вестеросыг ардаа орхин Дэйнерисийн зүг оргон зугтана. Зүсэн зүйлийн амьтдаас бүтсэн мэт харагдах аян замын шинэ нөхөд нь угтаа нууц төлөвлөгөөтэй бөгөөд тэдний дунд Вестеросыг Дэйнерисийн хүсэл мөрөөдлөөс бүрмөсөн арчих нэгэн хүн яваа юм санж. Умардад орших мөс чулуугаар барьсан лужир том Хана, түүнийг хамгаалж буй хүмүүс нь хэдий чинээ хүчтэй байна төдий чинээ бат бөх аж. Тэнд Шөнийн харуулын 998 дахь захирагч Жон Сноу хамгийн хүнд сорилтуудтайгаа нүүр тулна. Түүний хувьд хүчирхэг дайснууд нь хананы дотор төдийгүй гадна, хөлдүү үхдлүүдийн нутагт ч бий.Бүх л өнцөг булангаас ширүүн зөрчлүүд хурцдаж, увайгүй урвалтууд газар авч, гэмт хэрэгтэн, гэгээнтэн ламтнууд, цэргүүд, арьсаа солигчид, эхэс дээдэс, зарц боолууд зэрэг нүсэр том бүлгэмүүд дааж давшгүй хүнд нөхцөл байдалд орно. Зарим нь бүдэрч зарим нь харанхуйн хүчээр улам өсөн дэвшинэ. Гэвч үймээн самуун дэгдэхийн хирээр хувь тавилан хийгээд хуйвалдаан зөвшилцөөний урсгалууд агуу бүжигт бүгдийг татан оролцуулна.

Мөрөөдөл ба тоос

Луут бүжиг I

Долоон ханлигийн хувь заяа дээсэн дөрөөн дээр иржээ. Хааны газарт Эрх баригч хатан Серсей Ланнистер итгэл хүлээсэн бүх хүндээ хаягдан, шүүх хурлаа хүлээх зуур, түүний дүү Тирион дорно зүгийн Юнкай хотод боол болж бусдад худалдаалагдана. Станнис Баратеон Винтерфелл дахь Болтоныхонтой тулалдахаар өөрийн гэргий, улаан удган Мелисандра хоёрыг Жон Сноугийн хамгаалалтад орхин, Ханан дээрээс өмнө зүг хөдөлнө. Гэвч Хананы цаана зэрлэгүүдийн арми дайрч довтлохоор хуралдах аж...

Гал мөсний дуун